Last Updated:
హెచ్-1బీ వీసా ఫీజు $1 లక్ష అయితే, అమెరికన్ కంపెనీలు ఉద్యోగాలను ఇతర దేశాలకు తరలించవచ్చని రాజా కృష్ణమూర్తి హెచ్చరించారు.
అమెరికాలో హెచ్-1బీ వీసాకు 1 లక్ష డాలర్ల ఫీజు విధిస్తే, అది విదేశీ నిపుణులను అమెరికాకు రాకుండా చేయడమే కాకుండా, అమెరికన్ కంపెనీలు ఉద్యోగాలను ఇతర దేశాలకు తరలించే పరిస్థితి రావచ్చని అమెరికా కాంగ్రెస్ సభ్యుడు రాజా కృష్ణమూర్తి హెచ్చరించారు. అమెరికా ప్రతి ఏడాది 65,000 హెచ్-1బీ వీసాలు జారీ చేస్తుంది. అమెరికాలోని విద్యాసంస్థల నుంచి అడ్వాన్స్డ్ డిగ్రీలు పొందిన వారికి మరో 20,000 వీసాలు కేటాయిస్తారు. 1 లక్ష డాలర్ల హెచ్-1బీ వీసా ఫీజు వల్ల అమెరికా కంపెనీలపై అదనపు భారం పడుతుందని రాజా కృష్ణమూర్తి ఆందోళన వ్యక్తం చేశారని ఫస్ట్ పోస్ట్ కథనం వెల్లడించింది. ఈ ఫీజు వల్ల అత్యంత నైపుణ్యం ఉన్న విదేశీ ఉద్యోగులను అమెరికాలో నియమించుకోవడం, కొనసాగించడం కంపెనీలకు ఖరీదుగా మారొచ్చని చెప్పారు. చివరికి కంపెనీలు అమెరికాలో ఉద్యోగులను నియమించుకోవడం కంటే పనిని ఇతర దేశాలకు తరలించడానికే మొగ్గు చూపే అవకాశం ఉందని హెచ్చరించారు.
