కొత్త లేబర్ కోడ్స్ ప్రకారం ఉద్యోగి మొత్తం సీటీసీలో బేసిక్ జీతం, డియర్‌నెస్ అలవెన్స్ లేదా రిటైనింగ్ అలవెన్స్ కలిపి కనీసం 50 శాతం ఉండాలి. అంటే మొత్తం జీతంలో బేసిక్ జీతం, డీఏ కలిపి కనీసం 50 శాతం ఉండాలన్నదే ఈ 50 శాతం నిబంధన ఉద్దేశం. బేసిక్ జీతం పెరిగినప్పుడు గ్రాట్యుటీ మొత్తం కూడా పెరుగుతుంది. ఎందుకంటే గ్రాట్యుటీని లెక్కించేటప్పుడు బేసిక్ జీతాన్ని పరిగణనలోకి తీసుకుంటారు. ఉదాహరణకు నెలకు రూ.50,000 జీతం పొందే ఉద్యోగిని తీసుకుందాం. కొత్త లేబర్ కోడ్ ప్రకారం బేసిక్ పే మొత్తం జీతంలో 50 శాతంగా ఉంటే, బేసిక్ జీతం రూ.25,000 అవుతుంది. అప్పుడు గ్రాట్యుటీ మొత్తం మరింత ఎక్కువగా ఉంటుంది. 5 సంవత్సరాల సేవకు సుమారు రూ.72,115 గ్రాట్యుటీ వస్తుంది. 6 సంవత్సరాలకు రూ.86,538, 7 సంవత్సరాలకు రూ.1,00,962, 8 సంవత్సరాలకు రూ.1,15,385, 9 సంవత్సరాలకు రూ.1,29,808, 10 సంవత్సరాలకు రూ.1,44,231 లభిస్తుంది. బేసిక్ జీతం శాతం ఎక్కువగా ఉంటే గ్రాట్యుటీ మొత్తం గణనీయంగా పెరుగుతుంది. దీర్ఘకాలంలో ఇది ఉద్యోగులకు ఎక్కువ ఆర్థిక ప్రయోజనం అందించే అవకాశం ఉంది. అయితే బేసిక్ జీతం పెరగడం వల్ల నెలవారీగా చేతికి అందే జీతం కొంత తగ్గే అవకాశం కూడా ఉంటుంది. (ప్రతీకాత్మక చిత్రం)
