Last Updated:
Digital Loans: డిజిటల్ లోన్ల విషయంలో దేశంలో కొత్త ట్రెండ్ కనిపిస్తోంది. మెట్రో నగరాల కంటే టైర్-2 నగరాల్లో డిజిటల్ క్రెడిట్ వినియోగం వేగంగా పెరుగుతుండగా.. వేతనాలు పొందే మహిళలు పురుషుల కంటే ఎక్కువగా డిజిటల్ రుణాలను ఉపయోగిస్తున్నట్లు తాజా నివేదిక వెల్లడించింది.
భారతదేశంలో డిజిటల్ రుణాల (Digital Credit) విప్లవం ఒక కొత్త దిశగా అడుగులు వేస్తోంది. గురువారం నాడు విడుదలైన ‘డిజిటల్ క్రెడిట్ అండ్ ఇన్క్లూజన్ ఇండెక్స్ (DCII) 2026’ నివేదిక దేశంలోని ఆర్థిక సరళులపై ఆసక్తికరమైన విషయాలను వెల్లడించింది. దేశంలో డిజిటల్ రూపంలో రుణాలు తీసుకోవడంలో ఊహించని విధంగా టైర్-2 (Tier-2) నగరాలు ముందంజలో నిలుస్తుండగా, వేతనాలు పొందే మహిళలు తమ పురుష సహచరుల కంటే ఎక్కువగా డిజిటల్ రుణాలను వినియోగిస్తున్నారని ఈ నివేదిక స్పష్టం చేసింది.
