తక్కువ ధరలోనే బ్లింక్ రైడ్ అనేక ఆధునిక ఫీచర్లను అందిస్తోంది. ఇందులో టచ్స్క్రీన్ ఇన్ఫోటైన్మెంట్ సిస్టమ్తో పాటు బ్లూటూత్ కనెక్టివిటీ కూడా అందుబాటులో ఉంది. దీంతో మొబైల్ ఫోన్ను కనెక్ట్ చేసి సంగీతం వినడం, కాల్స్ నిర్వహించడం వంటి సౌకర్యాలు పొందవచ్చు. అదనంగా పవర్ స్టీరింగ్, మల్టీఫంక్షన్ స్టీరింగ్ వీల్, స్టీరింగ్ మౌంటెడ్ ఆడియో కంట్రోల్స్, ఎయిర్ కండీషనర్ (AC), హీటర్, టాకోమీటర్, FM రేడియో వంటి ఫీచర్లను కూడా ఇందులో అందించారు. బ్యాటరీ వినియోగాన్ని తగ్గించేందుకు ప్రత్యేక బ్యాటరీ సేవర్ మోడ్ కూడా ఉంది. దీని వల్ల అవసరం లేని విద్యుత్ వినియోగం తగ్గి రేంజ్ మెరుగుపడే అవకాశం ఉంటుంది. ప్రయాణికుల భద్రత విషయంలో కూడా కంపెనీ ప్రత్యేక శ్రద్ధ తీసుకుంది. బ్లింక్ రైడ్లో యాంటీ లాక్ బ్రేకింగ్ సిస్టమ్ (ABS), బ్రేక్ అసిస్ట్ (BA) వంటి భద్రతా సదుపాయాలను అందించారు. అత్యవసర పరిస్థితుల్లో అకస్మాత్తుగా బ్రేక్ వేస్తే వాహనం నియంత్రణ కోల్పోకుండా ఉండేందుకు ఇవి సహాయపడతాయి. అదనంగా హిల్ అసిస్ట్, స్పీడ్ అలర్ట్ సిస్టమ్, అలాగే అత్యవసర పరిస్థితుల్లో ప్రయాణికుల రక్షణ కోసం ఎయిర్బ్యాగ్లు కూడా అందించారు. నగర రహదారులతో పాటు కొండ ప్రాంతాల్లో కూడా డ్రైవింగ్ను మరింత సురక్షితంగా మార్చేలా ఈ ఫీచర్లను ఏర్పాటు చేశారు.
