BRICS Summit 2026: ఢిల్లీలో అడుగు పెట్టిన రష్యా అధ్యక్షుడు.. నేడు మోదీ-పుతిన్‌ కీలక భేటీ.. ప్రపంచం చూపు బ్రిక్స్ వైపే! |

భారత్ ఆతిథ్యమిస్తున్న 18వ బ్రిక్స్ (BRICS) శిఖరాగ్ర సదస్సులో పాల్గొనడంతో పాటు, ప్రధానమంత్రి నరేంద్ర మోదీతో కలిసి ద్వైపాక్షిక వాణిజ్యం, పెట్టుబడులు, ఇంధన రంగాల్లో సహకారాన్ని మరింత బలోపేతం చేయడమే ఈ పర్యటన ప్రధాన ఉద్దేశం. విమానాశ్రయంలో రష్యా అధ్యక్షుడికి కేంద్ర విదేశీ వ్యవహారాల శాఖ సహాయ మంత్రి కీర్తి వర్ధన్ సింగ్ సాదర స్వాగతం పలికారు. ఈ పర్యటన కోసం పుతిన్ ఉన్నత స్థాయి రష్యా ప్రతినిధి బృందానికి నాయకత్వం వహిస్తున్నారు. 2022 ఫిబ్రవరిలో ఉక్రెయిన్ యుద్ధం ప్రారంభమైన తర్వాత, రష్యా వెలుపల పుతిన్ స్వయంగా హాజరవుతున్న తొలి బ్రిక్స్ సదస్సు ఇదే కావడం గమనార్హం.