ఉత్తరం నుంచి దక్షిణం వరకు దేశం పొడవు సుమారు 25 కిలోమీటర్లే. ఇంత చిన్న దేశంలో పెద్ద అంతర్జాతీయ విమానాశ్రయం నిర్మించి నిర్వహించడం అంతగా ఉపయోగకరంగా ఉండదు. దాని బదులు యూరప్లో అత్యంత మెరుగైన రవాణా సదుపాయాలు ఉన్న ప్రాంతంలో ఉండటం లిచెన్స్టైన్కు పెద్ద ప్రయోజనంగా మారింది. స్విట్జర్లాండ్, ఆస్ట్రియా మధ్య ఉండటంతో హైవేలు, రైలు మార్గాలు, సమీప అంతర్జాతీయ విమానాశ్రయాలు సులభంగా అందుబాటులో ఉన్నాయి. అందుకే సొంతంగా పెద్ద విమానాశ్రయం నిర్మించాల్సిన అవసరం లేకుండా పోయింది. లిచెన్స్టైన్ ఆర్థిక వ్యవస్థలో మరో ఆసక్తికరమైన విషయం ఏమిటంటే, ఆ దేశానికి సొంత కరెన్సీ లేదు. అక్కడ చట్టబద్ధంగా చెల్లుబాటు అయ్యే కరెన్సీ స్విస్ ఫ్రాంక్. లిచెన్స్టైన్, స్విట్జర్లాండ్ మధ్య కుదిరిన కరెన్సీ ఒప్పందం ఆధారంగా ఈ విధానం కొనసాగుతోంది. ప్రత్యేక కరెన్సీ, స్వతంత్ర ద్రవ్య వ్యవస్థను నడపడం బదులు లిచెన్స్టైన్ స్విట్జర్లాండ్ ద్రవ్య వ్యవస్థలో భాగంగా ఉంది. అందుకే అక్కడ రోజువారీ లావాదేవీల్లో స్విస్ ఫ్రాంక్కు పోటీగా ప్రత్యేక లిచెన్స్టైన్ కరెన్సీ కనిపించదు. (ప్రతీకాత్మక చిత్రం)
