Last Updated:
Bandhan Bank Credit Cards: క్రెడిట్ కార్డ్ తీసుకోవాలని చూస్తున్నారా? అయితే బంధన్ బ్యాంక్ నుంచి వచ్చిన ఈ కొత్త ఆప్షన్లు మీకు ఉపయోగపడొచ్చు. మాస్టర్కార్డ్తో కలిసి బ్యాంక్ నాలుగు కొత్త క్రెడిట్ కార్డులను తీసుకొచ్చింది. రోజువారీ షాపింగ్ చేసేవారికి ఒకటి.. తరచుగా ప్రయాణాలు చేసేవారికి మరొకటి.. ప్రీమియం లైఫ్స్టైల్, అంతర్జాతీయ ఖర్చులు చేసేవారికి ఇంకొకటి ఇలా వేర్వేరు అవసరాలకు తగ్గట్టు కార్డులను రూపొందించారు. మరి Sparks, Ignite, Flare, Luminaలో ఎవరికేది బెస్ట్? ఏ కార్డులో ఎలాంటి ప్రయోజనాలు ఉన్నాయో తెలుసా?
క్రెడిట్ కార్డ్ మార్కెట్లోకి బంధన్ బ్యాంక్ అడుగుపెట్టింది. ప్రముఖ కార్డ్ చెల్లింపుల సంస్థ మాస్టర్కార్డ్తో భాగస్వామ్యం కుదుర్చుకున్న బంధన్ బ్యాంక్.. నాలుగు కొత్త క్రెడిట్ కార్డులను అందుబాటులోకి తీసుకొచ్చింది. వినియోగదారుల అవసరాలు, ఖర్చు చేసే విధానం, జీవనశైలి ఆధారంగా వేర్వేరు ప్రయోజనాలను అందించేలా ఈ కార్డులను రూపొందించినట్లు బ్యాంక్ తెలిపింది. ఈ కొత్త పోర్ట్ఫోలియోలో స్పార్క్స్, ఇగ్నైట్, ఫ్లేర్, లూమినా అనే నాలుగు కార్డులు ఉన్నాయి.
