అమెరికాలో ఒక తల్లి తన కుమారుడి అనారోగ్యానికి కారణం ఏంటో తెలుసుకోవడానికి మూడేళ్ల పాటు ప్రయత్నించింది. 17 మంది వైద్యులను సంప్రదించినా సమాధానం దొరకలేదు. చివరికి తన కుమారుడి మెడికల్ రిపోర్టులను చాట్జీపీటీతో విశ్లేషించడంతో, ఇంతకాలం గుర్తించని అరుదైన సమస్యపై క్లూ లభించింది. కోర్ట్నీ అనే మహిళ కుమారుడు అలెక్స్ చిన్న వయసులోనే దీర్ఘకాలిక నొప్పి, తీవ్రమైన తలనొప్పి, నడవడంలో ఇబ్బంది, ఎప్పుడూ అలసటగా ఉండటం వంటి సమస్యలతో బాధపడ్డాడు. మూడు సంవత్సరాల పాటు వివిధ వైద్యులను సంప్రదించినా అసలు సమస్య ఏంటో తేలలేదు. ది ఇండిపెండెంట్ కథనం ప్రకారం, అలెక్స్ మెడికల్ రికార్డులను కోర్ట్నీ స్వయంగా చాట్జీపీటీలో విశ్లేషించిన తర్వాతే కుటుంబానికి ఒక కీలకమైన క్లూ దొరికింది. టుడేకి కోర్ట్నీ ఇచ్చిన ఇంటర్వ్యూను ఉటంకిస్తూ ది ఇండిపెండెంట్ ఈ వివరాలను వెల్లడించింది. అలెక్స్కు ఆరోగ్య సమస్యలు మొదలైనప్పుడు అతని వయసు నాలుగేళ్లు. అది కోవిడ్-19 మహమ్మారి సమయంలో జరిగింది. కారణం తెలియని నొప్పిని భరించడానికి అలెక్స్ దాదాపు ప్రతిరోజూ పెయిన్కిల్లర్ అవసరం పడుతున్న విషయాన్ని అతని నానీ గమనించింది. (ప్రతీకాత్మక చిత్రం)
