Last Updated:
కేరళ రాష్ట్రం లోని ఇడుక్కి జిల్లాలో ప్రముఖ పర్యాటక కేంద్రమైన వాగమన్లో ఒక ప్రైవేట్ వ్యక్తి అక్రమంగా ఆక్రమించిన 10 ఎకరాల రెవెన్యూ భూమిని జూలై 22న రెవెన్యూ బృందం స్వాధీనం చేసుకుంది. అదేవిధంగా టాలీవుడ్ నటుడు ప్రకాష్ రాజ్కు కూడా భూఆక్రమణ నోటీసులు పంపారు.
కేరళ లోని ఇడుక్కి జిల్లాలో ప్రముఖ పర్యాటక కేంద్రమైన వాగమన్లో ఒక ప్రైవేట్ వ్యక్తి అక్రమంగా ఆక్రమించిన 10 ఎకరాల రెవెన్యూ భూమిని జూలై 22న రెవెన్యూ బృందం స్వాధీనం చేసుకుంది. అధికారులు స్వాధీనం చేసుకున్న వరట్టుమేడులోని ఈ భూమిని ముందుగా వరట్టుమేడు నివాసి ప్రదీప్ ఆక్రమించి, ఆ తర్వాత దానిని సెబిన్ ఆంటోనీ అనే వ్యక్తికి బదిలీ చేశారు.
ఈ భూమిలో అక్రమంగా నిర్మించిన హోమ్స్టే భవనం, ఫలహారశాల (కెఫెటేరియా), చుట్టూ ఉన్న ఇనుప కంచెలు, రాతి గోడలను తొలగించడానికి రెవెన్యూ బృందం ఎర్త్మూవర్లను (జేసీబీలను) ఉపయోగించి ఆక్రమణల తొలగింపు ప్రక్రియను పూర్తి చేసింది. ఈ ఆపరేషన్లో భాగంగా ‘పడుతక్కుళం’గా పిలిచే టార్పాలిన్తో నిర్మించిన చెరువును కూడా ధ్వంసం చేశారు.
ఇదే ప్రాంతంలో నటుడు ప్రకాష్ రాజ్కు కూడా పట్టా భూమి ఉంది. అయితే, ఆయన ఆస్తికి ఆనుకుని ఉన్న కొంత భూమికి పట్టా లేదని పీరుమేడు తహసీల్దార్ స్పష్టం చేశారు. ఇక్కడ ఆయనకు 1.5 ఎకరాల భూమి ఉంది. మీడియా వర్గాల సమాచారం ప్రకారం, ఈ పట్టా లేని భూమి సుమారు 40 సెంట్లు ఉండవచ్చని తెలుస్తోంది. ఈ క్రమంలో ఆయన సమక్షంలోనే ఈ భూమిని కొలిచి, సర్వే చేసేందుకు రెవెన్యూ అధికారులు నోటీసులు జారీ చేశారు.
అయితే, ప్రకాష్ రాజ్కు ఇంకా నోటీసు అందలేదని, ఆయన ఫోన్ స్విచ్ ఆఫ్ చేసి ఉందని అధికారులు తెలిపారు. అధికారులు ఆయనకు మరొక నోటీసును జారీ చేయనున్నారు.
పీరుమేడు తహసీల్దార్ జోజో వి. సెబాస్టియన్, ఎల్ఎ (LA) తహసీల్దార్ ఆర్. హరీంద్రనాథ్, వాగమన్ గ్రామ అధికారి పి.బి. గోపి కృష్ణన్, ఏలప్పార గ్రామ అధికారి విజయకుమార్లతో పాటు తాలూకా అధికారులు, భూసంరక్షణ దళం సభ్యుల నేతృత్వంలో ఈ చర్యలు చేపట్టారు.
దురైరాజ్, అతని నానమ్మ సుబ్బమ్మలకు చెందిన రెండున్నర ఎకరాల పట్టా భూమి ముసుగులో ఈ రెవెన్యూ భూమిని ఆక్రమించి సాగు చేశారు. దీనికి ఆనుకుని ఉన్న దాదాపు 10 ఎకరాల భూమిని ఆక్రమించి, అందులో వ్యవసాయం కూడా చేస్తున్నారు.
Click here to add News18 as your preferred news source on Google. సినిమా న్యూస్, మూవీ అప్డేట్స్, సినిమా రివ్యూస్, OTT అప్డేట్స్, టీవీ షోస్, రియాల్టీ షోస్, వెబ్స్టోరీస్ ఈ కేటగిరీలో చూడొచ్చు. న్యూస్ 18 తెలుగులో లేటెస్ట్ ఎంటర్టైన్మెంట్ అప్డేట్స్ చదవండి. మరిన్ని వార్తల కోసం న్యూస్ 18 తెలుగు ఫాలో అవండి.
Hyderabad,Hyderabad,Telangana
