ప్రస్తుతం పే మ్యాట్రిక్స్ లెవల్ 6లో రూ.44,900 మూల వేతనం పొందుతున్న ఉద్యోగిని ఉదాహరణగా తీసుకుని మనం ఈ లెక్కను అర్థం చేసుకుంది. ఒకవేళ ఫిట్‌మెంట్ ఫ్యాక్టర్ 2.57గా కొనసాగితే కొత్త బేసిక్ పే రూ.1,15,393కు చేరుతుంది. అంటే ప్రస్తుత మూల వేతనంతో పోలిస్తే అమాంతం పెరుగుంతుంది. 2026 జనవరి నుంచి జూన్ వరకు 60 శాతం డీఏ, జూలై నుంచి డిసెంబర్ వరకు 63 శాతం డీఏగా లెక్కిస్తే ఉద్యోగులకు రావాల్సిన బకాయిల అంచనా ఎలా ఉండనుందంటే?.. జనవరి నుంచి జూన్ వరకు నెలకు సుమారు రూ.43,553 వ్యత్యాసం ఉంటుంది. ఆరు నెలలకు రూ.2,61,318 వస్తాయి. జూలై నుంచి డిసెంబర్ వరకు నెలకు సుమారు రూ.42,206 వ్యత్యాసం ఉంటుంది. ఆరు నెలలకు రూ.2,53,236 వస్తాయి. ఈ రెండు మొత్తాలు కలిపితే 12 నెలలకు సుమారు రూ.5,14,554 బకాయిలు వచ్చే అవకాశం ఉంటుంది. అంటే ఈ ఉదాహరణలో ఒక్కో ఉద్యోగికి రూ.5.14 లక్షలకు పైగా రావచ్చన్నమాట.
