భారతీయుల ఆహారపు అలవాట్లకు సంబంధించి ఐసీఎంఆర్‌కు చెందిన నేషనల్ ఇన్‌స్టిట్యూట్ ఆఫ్ న్యూట్రిషన్ (ఐసీఎంఆర్-ఎన్‌ఐఎన్) 2024లో విడుదల చేసిన ఆహార మార్గదర్శకాలు కూడా రోజూ నట్స్ తీసుకోవాలని సూచిస్తున్నాయి. సమతుల్యమైన, రకరకాల పోషకాలు ఉండే ఆహారంలో భాగంగా పురుషులు రోజుకు 40 గ్రాముల నట్స్, మహిళలు రోజుకు 30 గ్రాముల నట్స్ తీసుకోవాలని ఈ మార్గదర్శకాలు చెబుతున్నాయి. నట్స్ అంటే బాదం, జీడిపప్పు, పిస్తా, వాల్‌నట్స్ వంటి తినే గింజలు. వీటిలో ప్రోటీన్, ఫైబర్, మంచి కొవ్వులు, శరీరానికి అవసరమైన పోషకాలు ఉంటాయి. వీటిని రోజువారీ ఆహారంలో సరైన మోతాదులో చేర్చుకోవడం వల్ల ఆరోగ్యానికి మేలు జరుగుతుంది. ముఖ్యంగా సమతుల్య ఆహారంలో భాగంగా వీటిని తీసుకోవాలని నిపుణులు సూచిస్తున్నారు. (ప్రతీకాత్మక చిత్రం)
