దీపావళి కోసం ఇళ్లను అందంగా అలంకరించడం, లక్ష్మీ పూజకు ఏర్పాట్లు చేయడం, ధంతేరాస్ సందర్భంగా బంగారం, వెండి కొనడం, బహుమతులు సిద్ధం చేసుకోవడం వంటి పనులను చాలామంది ముందుగానే మొదలుపెట్టారు. కొవ్వొత్తులు, బంతిపూల కోసం చేసిన సెర్చ్‌లు గతేడాదితో పోలిస్తే దాదాపు 200 శాతం పెరిగాయి. దీపావళి గిఫ్ట్ హ్యాంపర్ల కోసం ఆసక్తి దాదాపు 300 శాతం పెరిగింది. ప్రమిదలు, అలంకరణ లైట్లు, తాజా పూలు, రంగోలి వస్తువులు, పూజ సామగ్రికి కూడా మంచి డిమాండ్ కనిపించింది. దీపావళి వీకెండ్ మొదలయ్యే సమయానికే చాలా రోజులుగా పండుగ ఏర్పాట్లు కొనసాగుతున్నాయి. దీపావళి అంటే ఇంటి ముందు బంతిపూల తోరణాలు, దీపాల వెలుగులు, పూజ ఏర్పాట్లు ప్రత్యేక ఆకర్షణగా నిలుస్తాయి. ఈసారి పూలు, దీపాలు, అలంకరణ వస్తువులకు కూడా భారీగా ఆర్డర్లు వచ్చాయి. పూల కొనుగోళ్లు 42 శాతం పెరిగాయి. ముఖ్యంగా బంతిపూలు, పూల దండలు, బొకేలకు ఎక్కువ ఆర్డర్లు వచ్చాయి. దీపావళికి ముందు జరిగే పార్టీల కోసం కూడా చాలామంది వీటిని కొనుగోలు చేశారు. పూజ కోసం ఉపయోగించే ప్రమిదల ఆర్డర్లు 45 శాతం పెరిగాయి. ఎల్ఈడీ దియా లైట్ల కొనుగోళ్లు 88 శాతం పెరిగాయి. స్వీట్లకు మాత్రం ఎప్పటిలాగే భారీ డిమాండ్ కనిపించింది. ఈసారి మిఠాయిల ఆర్డర్లు 55 శాతానికి పైగా పెరిగాయి. లడ్డూ, సోన్ పప్డీ, కాజు కట్లీ, గులాబ్ జామూన్, పేడాలకు ఎక్కువ మంది ఆర్డర్లు ఇచ్చారు. (ప్రతీకాత్మక చిత్రం)
