ఉసిరికాయలను నిల్వ చేసేటప్పుడు ఈ జాగ్రత్తలు తప్పనిసరి: ఉసిరికాయలను నిల్వ చేసే ముందు శుభ్రంగా కడిగి, పూర్తిగా ఆరబెట్టాలి. వాటిపై నీరు లేదా తేమ ఉంటే త్వరగా పాడయ్యే అవకాశం ఉంటుంది. అలాగే వాటిని నిల్వ చేసే డబ్బాలు కూడా శుభ్రంగా, పొడిగా ఉండాలి. మీ అవసరాన్ని బట్టి వివిధ పద్ధతుల్లో ఉసిరికాయలను నిల్వ చేసుకోవచ్చు. కొన్ని పద్ధతుల ద్వారా కొన్ని వారాల పాటు, మరికొన్ని పద్ధతుల ద్వారా కొన్ని నెలల పాటు ఉపయోగించుకోవచ్చు. మార్కెట్లో తాజా ఉసిరికాయలు ఎక్కువగా దొరికినప్పుడు ఒకేసారి కొనుగోలు చేసి సరైన పద్ధతిలో నిల్వ చేసుకుంటే, సీజన్ ముగిసిన తర్వాత కూడా వాటిని ఉపయోగించుకోవచ్చు.
