1996లో రాజస్థాన్‌లో స్వయం ఉపాధి చేసుకునే వ్యాపారులు, ట్రాన్స్‌పోర్ట్ ఆపరేటర్లకు ఆర్థిక సాయం అందించాలనే లక్ష్యంతో ఈ బిజినెస్ మొదలైంది. ఇప్పుడు ఇది దేశంలోని ప్రముఖ వెహికల్ ఫైనాన్స్ బిజినెస్‌లలో ఒకటిగా ఎదిగింది. దేశవ్యాప్తంగా 13.7 లక్షలకు పైగా కస్టమర్లకు సేవలు అందిస్తోంది. కస్టమర్ల నమ్మకం, రుణం ఇచ్చే ముందు రిస్క్‌ను అంచనా వేసే అనుభవం, జాగ్రత్తగా రిస్క్ మేనేజ్‌మెంట్ చేయడం ఈ బిజినెస్‌కు బలంగా నిలిచాయి. దేశవ్యాప్తంగా ప్రజల ప్రయాణ అవసరాలు, వ్యాపారాలు, ఆదాయ మార్గాలు పెరగడానికి ఆర్థిక సాయం అందించాలనే అసలు లక్ష్యం ఇప్పటికీ కొనసాగుతోంది.
దాదాపు మూడు దశాబ్దాలుగా AU వీల్స్ బిజినెస్ ట్రాన్స్‌పోర్ట్ ఆపరేటర్లు, రైతులు, కాంట్రాక్టర్లు, ట్యాక్సీ యజమానులు, తొలిసారి వాహనం కొనేవారు, చిన్న వ్యాపారాలు చేసుకునేవారు, కొత్తగా వ్యాపారాల్లోకి వస్తున్న వారికి రుణాలు అందిస్తోంది. వీరి జీవనోపాధికి ఉపయోగపడే వాహనాలు, ఇతర ఉత్పాదక ఆస్తులు కొనుగోలు చేసేందుకు ఈ రుణాలు ఉపయోగపడుతున్నాయి. దీంతో ఉపాధి అవకాశాలు, వ్యాపారాలు, ఆర్థిక కార్యకలాపాలు పెరగడానికి సహాయం అందుతోంది. ఈ బిజినెస్‌లో ప్రత్యేకంగా చెప్పుకోవాల్సిన విషయం ప్రీ-ఓన్డ్ వెహికల్ ఫైనాన్స్. అంటే ఇప్పటికే వాడిన వాహనాలు కొనుగోలు చేసేందుకు రుణాలు అందించడం. దేశవ్యాప్తంగా తక్కువ ఖర్చుతో వాహనం కొనుగోలు చేసే అవకాశాలను పెంచడంలో ఈ విభాగం కీలక పాత్ర పోషిస్తోంది. అదే సమయంలో చిన్న వ్యాపారాలు, స్వయం ఉపాధి అవకాశాలు పెరగడానికి కూడా ఇది ఉపయోగపడుతోంది. కొత్త వాహనాలతో పాటు వాడిన వాహనాలకు ఫైనాన్స్ అందించడంలో AUకి మంచి అనుభవం ఏర్పడింది. దీంతో కస్టమర్లు అధికారిక రుణ వ్యవస్థ ద్వారా క్రెడిట్ పొందుతూ దేశ ఆర్థిక వృద్ధిలో భాగం కావడానికి అవకాశం కలుగుతోంది.
ప్రస్తుతం వీల్స్ బిజినెస్ మొత్తం పోర్ట్‌ఫోలియో రూ.50,000 కోట్లకు పైగానే ఉంది. ఇందులో రూ.30,752 కోట్లు కొత్త వాహనాల ఫైనాన్స్, రూ.17,966 కోట్లు ప్రీ-ఓన్డ్ వాహనాల ఫైనాన్స్, రూ.1,767 కోట్లు టూ-వీలర్ ఫైనాన్స్ ఉన్నాయి. దేశవ్యాప్తంగా AU SFBకి 3,000కు పైగా సర్వీస్ టచ్‌పాయింట్లు ఉన్నాయి. దాదాపు 2,000 ప్రాంతాల్లో సేవలు అందుబాటులో ఉన్నాయి. దీంతో పట్టణాలు, సెమీ-అర్బన్ ప్రాంతాలు, గ్రామీణ ప్రాంతాల్లోని కస్టమర్లకు కూడా వాహన ఫైనాన్స్ అందించే విస్తృత నెట్‌వర్క్‌ను వీల్స్ బిజినెస్ ఏర్పాటు చేసుకుంది. ఈ మైలురాయిపై AU స్మాల్ ఫైనాన్స్ బ్యాంక్ వ్యవస్థాపకుడు, ఎండీ, సీఈఓ సంజయ్ అగర్వాల్ మాట్లాడుతూ, “మా వీల్స్ బిజినెస్‌లో AUM రూ.50,000 కోట్లు దాటడం మాకు ఎంతో ముఖ్యమైన మైలురాయి. దాదాపు మూడు దశాబ్దాల క్రితం AU ప్రారంభమైనప్పుడు ఉన్న పునాదే ఈ బిజినెస్. కష్టపడి పనిచేసే వ్యాపారులు, స్వయం ఉపాధి చేసుకునే వారికి సాయం చేయాలనే చిన్న నమ్మకంతో మొదలైన ఈ ప్రయాణం ఇప్పుడు దేశవ్యాప్తంగా 13 లక్షలకు పైగా కస్టమర్లు నమ్మే బిజినెస్‌గా ఎదిగింది” అని చెప్పారు.
“ఈ మైలురాయి కేవలం పోర్ట్‌ఫోలియో ఎంత పెద్దదిగా మారిందో చెప్పేది కాదు. ఎంతోమంది ప్రయాణాలు మొదలుపెట్టడం, జీవనోపాధి ఏర్పరుచుకోవడం, వ్యాపారాలను విస్తరించడం, ఆర్థికంగా ఎదగడం వెనుక ఉన్న ఎన్నో కథలను ఇది ప్రతిబింబిస్తుంది. ఈ ప్రయాణంలో కీలక పాత్ర పోషించిన మా కస్టమర్లు, డీలర్ పార్ట్‌నర్లు, ఉద్యోగులు, ఇతర భాగస్వాములకు మేము కృతజ్ఞతలు తెలుపుతున్నాం” అని ఆయన అన్నారు. “భారత్ ఇన్‌ఫ్రాస్ట్రక్చర్, లాజిస్టిక్స్, గ్రామీణ ఆర్థికాభివృద్ధి, ఎంటర్‌ప్రెన్యూర్‌షిప్‌పై పెట్టుబడులు కొనసాగిస్తున్న సమయంలో, బాధ్యతాయుతమైన రుణ విధానం, టెక్నాలజీ ఆధారిత కొత్త విధానాలు, జాగ్రత్తగా రిస్క్ మేనేజ్‌మెంట్ చేయడం ద్వారా కస్టమర్ల లక్ష్యాలకు మద్దతు ఇవ్వడంపై మేము దృష్టి పెడతాం. యూనివర్సల్ బ్యాంక్‌గా మారే AU ప్రయాణంలో వీల్స్ బిజినెస్ కీలకమైన వృద్ధి ఇంజిన్‌గా కొనసాగుతుంది” అని సంజయ్ అగర్వాల్ తెలిపారు.
బ్యాంక్ చేపడుతున్న డిజిటల్ ట్రాన్స్‌ఫర్మేషన్‌లో భాగంగా లెండింగ్ కార్యకలాపాల్లో అడ్వాన్స్‌డ్ అనలిటిక్స్, ఆటోమేషన్, ఏఐ ఆధారిత టెక్నాలజీలను మరింతగా ఉపయోగిస్తోంది. దీని ద్వారా కస్టమర్ అనుభవం మెరుగుపడటం, పనితీరు పెరగడం, బిజినెస్‌ను మరింత విస్తరించుకునే సామర్థ్యం పెరగడం లక్ష్యంగా పెట్టుకుంది. వీల్స్ బిజినెస్ తదుపరి దశ వృద్ధికి కూడా ఈ టెక్నాలజీలు ఉపయోగపడనున్నాయి. AU తన కార్యకలాపాల్లో నాలుగో దశాబ్దంలోకి అడుగుపెడుతున్న సమయంలో, వీల్స్ బిజినెస్ మొబిలిటీ, ఎంటర్‌ప్రెన్యూర్‌షిప్, ఆర్థిక వృద్ధికి కీలకమైన అనుసంధానంగా కొనసాగుతోంది. కస్టమర్ల అవసరాలు, వారి ఎదుగుదలకు ఆర్థిక సాయం అందించడంతో పాటు, కస్టమర్లు, సమాజాలు, దేశ ఆర్థిక వ్యవస్థకు దీర్ఘకాలికంగా ఉపయోగపడే విలువను సృష్టించడమే ఈ బిజినెస్ లక్ష్యంగా కొనసాగుతోంది.
