ప్రస్తుతం స్నాబిట్ ఢిల్లీ, ముంబై సహా 10 నగరాల్లో సేవలు అందిస్తోంది. ఈ ప్లాట్ఫామ్లో 20,000 మంది నమోదైన కార్మికులు ఉన్నారు. వీరు కలిపి రోజుకు సగటున 60,000 పనులు పూర్తి చేస్తున్నట్లు కంపెనీ చెబుతోంది. ఇలా పనిచేసేవారికి ఫిక్స్డ్ షెడ్యూల్ అవసరం లేదు. 63 ఏళ్ల గృహిణి అతియా ఖుస్రో మాట్లాడుతూ, తాను యాప్ ద్వారా ఇంటి పనివారిని బుక్ చేసుకోవడానికే ఇష్టపడతానని చెప్పారు. “మామూలు పనివాళ్లకు ఒక ఫిక్స్డ్ షెడ్యూల్ ఉంటుంది. వాళ్ల సమయానికి తగ్గట్టుగా నేను నా పనులు మార్చుకోవాలి. కానీ ఇన్స్టంట్ సర్వీస్లో అలాంటి సమస్య ఉండదు,” అని ఆమె AFPతో చెప్పారు. భారత్లో వేగంగా పెరుగుతున్న గిగ్ ఎకానమీలో ఈ విధానం మరింత విస్తరిస్తోంది. ప్రాంటోలో గంటల వారీగా కిటికీలు శుభ్రం చేయడం నుంచి పార్టీ ముగిసిన తర్వాత వెంటనే క్లీనింగ్ చేసే సర్వీసుల వరకు అందుబాటులో ఉన్నాయి. అర్బన్ కంపెనీ మాత్రం ఇంటి రిపేర్లు, సెలూన్ సర్వీసులు వంటి ఎన్నో సేవలను ఒక బటన్ నొక్కగానే బుక్ చేసుకునే అవకాశం కల్పిస్తోంది. (image: AI Generated)
