Last Updated:
టాలీవుడ్‌ నుంచి రాబోతున్న మరో రొమాంటిక్‌ కామెడీ చిత్రం ‘ఫీల్ గుడ్’. తాజాగా ఈ సినిమా నుంచి ‘మమ్మా మియా’ పూర్తి పాటను చిత్ర బృందం విడుదల చేసింది.
టాలీవుడ్‌ నుంచి రాబోతున్న మరో రొమాంటిక్‌ కామెడీ చిత్రం ‘ఫీల్ గుడ్’. తాజాగా ఈ సినిమా నుంచి ‘మమ్మా మియా’ పూర్తి పాటను చిత్ర బృందం విడుదల చేసింది. విశ్వరూప ఫిల్మ్స్ బ్యాన‌ర్‌పై దయానంద్‌ కథ, స్క్రీన్‌ప్లే, దర్శకత్వంలో సుచిత్ నిర్మాణంలో సుచిత్, అదితి త్రిపాఠి జంటగా నటించిన ఈ పాట ఆకట్టుకునే సంగీతం, మధురమైన గాత్రంతో ప్రేమలోని మాధుర్యాన్ని ఆవిష్కరిస్తోంది. యువతను ఆకట్టుకునే బాణీ, ఉత్సాహభరితమైన పదాలు పాటకు ప్రత్యేక ఆకర్షణగా నిలుస్తున్నాయి.
‘వైబ్‌’, ‘సింక్‌’, ‘ట్రెండ్‌’, ‘హైప్‌’ వంటి పదాలతో సాగిపోయే ఈ పాటలో యూత్‌ఫుల్‌ ఎనర్జీ కనిపిస్తుంది. ల‌వ్‌లోని సరదా, స్నేహం, ధైర్యం, ఉత్సాహాన్ని ప్రతిబింబించేలా పాటను రూపొందించారు. శాండిల్య పిసపాటి అందించిన మ్యూజిక్, కడలి స‌త్య‌నారాయ‌ణ సాహిత్యం, తుషార నిలయ, శాండిల్య పిసపాటి పాడిన ఈ పాట నేటి యువత అభిరుచులకు అనుగుణంగా ఫీల్ గుడ్‌గా రూపొందింది. మ్యూజిక్ ల‌వ‌ర్స్‌ను ఎట్రాక్ట్ చేసేలా ఉంది.
ఈ చిత్రంలో సుచిత్, అదితి త్రిపాఠితో పాటు రవూరి ప్రియాంక, లిఖిత్‌, రణధీర్ వాసుదేవ్, సైఫాని, దివ్య మోహన్ తదితరులు నటిస్తున్నారు. ప్ర‌స్తుతం పోస్ట్ ప్రొడ‌క్ష‌న్ ప‌నులు జరుపుకుంటున్న ఈ చిత్రాన్ని త్వ‌ర‌లోనే విడుదల చేయ‌డానికి చిత్ర‌యూనిట్ స‌న్నాహాలు చేస్తోంది. ‘మమ్మా మియా’ పాట విడుదలతో ‘ఫీల్ గుడ్’ చిత్రంపై ప్రేక్షకుల్లో ఆసక్తి మరింత పెరుగుతుందని, యూత్ ఆడియ‌న్స్‌కు క‌నెక్ట్ చేస్తుంద‌ని చిత్ర బృందం ఆశిస్తోంది.
ఈ సినిమాలో సుచిత్, అదితి త్రిపాఠి, రావూరి ప్రియాంక, లికిత్, రణధీర్ వాసుదేవ్, సాయిఫణి, దివ్య మోహన్, తదితరులు కీలక పాత్రల్లో నటించారు. శాండిల్య పిసపాటి సంగీతం అందిస్తున్నారు.
