ప్రభన్యూస్

ఐఐటీ విద్యార్థులతో సమానంగా ఐటీఐ వారికి గౌరవం దక్కాలి.. వృత్తి విద్యపై దృక్పథం మారాలన్న ప్రధాని మోదీ! |


Last Updated:

లక్నోలో జరిగిన 5వ కౌశల్ దీక్షాంత్ సమారోహ్‌లో ప్రధాని నరేంద్ర మోదీ కీలక వ్యాఖ్యలు చేశారు. ఐఐటీ విద్యార్థులకు దక్కే గౌరవమే ఐటీఐ విద్యార్థులకూ లభించాలని, వృత్తి విద్య పట్ల సమాజం దృక్పథం మారాలని ఆయన పిలుపునిచ్చారు.

News18
News18

లక్నోలోని గోమతి నగర్ ఇందిరా గాంధీ ప్రతిష్ఠాన్‌లో శనివారం జరిగిన 5వ కౌశల్ దీక్షాంత్ సమారోహ్ (జాతీయ నైపుణ్య స్నాతకోత్సవం)లో ప్రధానమంత్రి నరేంద్ర మోదీ పాల్గొని వృత్తి విద్య ప్రాముఖ్యతను చాటిచెప్పారు. పారిశ్రామిక శిక్షణ సంస్థల్లో (ఐటీఐ) సాంకేతిక శిక్షణ పొందే విద్యార్థులకు యూనివర్సిటీ, కళాశాల విద్యార్థులతో సమానమైన గుర్తింపు దక్కాలని, వృత్తి విద్య పట్ల సమాజం దృక్పథం మారాలని ఆయన పిలుపునిచ్చారు. సంప్రదాయ డిగ్రీలకు మాత్రమే ఎక్కువ ప్రాధాన్యం ఇచ్చే ధోరణి వల్ల చాలామంది విద్యార్థులు, వారి తల్లిదండ్రులు ఐటీఐలో చదువుతున్న విషయాన్ని బంధుమిత్రులకు చెప్పేందుకు ఇప్పటికీ సంకోచిస్తున్నారని, దాచిపెడుతున్నారని మోదీ ఆవేదన వ్యక్తం చేశారు.

యూనివర్సిటీకి కాకుండా చేతిపనులు, సాంకేతిక శిక్షణలో ఉన్నారన్న కారణంతో ఎవరూ ఇబ్బంది పడాల్సిన అవసరం లేదని స్పష్టం చేశారు. ఐఐటీ విద్యార్థులకు దక్కే గౌరవమే ఐటీఐ విద్యార్థులకూ లభించాలని, ఆ రెండు సంస్థలూ దేశానికి ఆస్తి, బలం, భవిష్యత్తు అని ప్రధాని ఉద్ఘాటించారు. ఉత్తరప్రదేశ్ సీఎం యోగి ఆదిత్యనాథ్ హాజరైన ఈ వేడుకలో 52 మంది జాతీయ స్థాయి టాపర్లను సత్కరించారు.

పరిశ్రమలకు అసలైన బలం నైపుణ్యం గల కార్మికులే

పెద్ద పెద్ద కంపెనీల బలం కేవలం డిగ్రీలు ఉన్న కొద్దిమంది ఉద్యోగులతోనే కాకుండా, నిత్యం పనులు నడిపించే వందలాది మంది ఐటీఐ శిక్షణ పొందిన కార్మికులపై ఆధారపడి ఉంటుందని ప్రధాని వివరించారు. ఒక సంస్థలో యూనివర్సిటీ పట్టా ఉన్నవారు కొద్దిమందే ఉండొచ్చని, కానీ దాని కార్యకలాపాలు సజావుగా సాగడానికి నైపుణ్యం గల శ్రామిక శక్తే వెన్నెముకగా నిలుస్తుందన్నారు. కృత్రిమ మేధ (ఏఐ) వల్ల ఉద్యోగాలు పోతాయని ఆందోళనలు వ్యక్తమవుతున్న ప్రస్తుత తరుణంలోనూ, చేతిలో నైపుణ్యం ఉన్నవారి ఉపాధిని ఎవరూ లాక్కోలేరని మోదీ భరోసా ఇచ్చారు.

విద్యార్థుల ఆత్మవిశ్వాసంపై ప్రశంసలు.. వృత్తి విద్యకు కొత్త దారి

ఈ స్నాతకోత్సవాన్ని అద్భుతంగా నిర్వహించిన కేంద్ర నైపుణ్యాభివృద్ధి శాఖ మంత్రి జయంత్ చౌదరి, ఆయన బృందాన్ని ప్రధాని మోదీ ప్రత్యేకంగా అభినందించారు. సర్టిఫికెట్లు అందుకున్న విద్యార్థుల వేషధారణ, నడవడిక, ఆత్మవిశ్వాసం సంప్రదాయ యూనివర్సిటీ స్నాతకోత్సవాల్లోనూ ప్రత్యేకంగా నిలిచేలా ఉన్నాయని కొనియాడారు. 2027లో గ్రేటర్ నోయిడా వేదికగా భారత్ ప్రతిష్ఠాత్మక ‘వరల్డ్ స్కిల్స్’ పోటీలకు ఆతిథ్యం ఇవ్వనుందని ఈ సందర్భంగా ప్రధాని ప్రకటించారు.

ఉన్నత విద్యకు వెళ్లలేని విద్యార్థులకు మాత్రమే ఐటీఐ కోర్సులు ప్రత్యామ్నాయం అనే భావన వీడాలని ప్రధాని సూచించారు. ఉపాధి, సాంకేతిక నైపుణ్యం, పరిశ్రమల్లో ఉజ్వల కెరీర్‌కు ఐటీఐ శిక్షణ అత్యంత కీలక మార్గమని ఆయన స్పష్టం చేశారు. భారత్ వేగంగా అభివృద్ధి చెందుతున్న వేళ, పరిశ్రమల అవసరాలకు తగినట్లుగా నైపుణ్యం కలిగిన యువతను తీర్చిదిద్దడంతో పాటు వారికి తగిన సామాజిక గుర్తింపు కల్పించాల్సిన అవసరం ఉందని మోదీ ప్రసంగం చాటిచెప్పింది.



Source link

Leave a Reply

Your email address will not be published. Required fields are marked *

×
prabhanews.co.in
Logo
Date of Publish : 22 November 2026, 5:01 pm Digital Edition : Prabhanews
ఐఐటీ విద్యార్థులతో సమానంగా ఐటీఐ వారికి గౌరవం దక్కాలి.. వృత్తి విద్యపై దృక్పథం మారాలన్న ప్రధాని మోదీ! |

Last Updated:Nov 22, 2026 4:38 PM ISTలక్నోలో జరిగిన 5వ కౌశల్ దీక్షాంత్ సమారోహ్‌లో ప్రధాని నరేంద్ర మోదీ కీలక వ్యాఖ్యలు చేశారు. ఐఐటీ విద్యార్థులకు దక్కే గౌరవమే ఐటీఐ విద్యార్థులకూ లభించాలని, వృత్తి విద్య పట్ల సమాజం దృక్పథం మారాలని ఆయన పిలుపునిచ్చారు.News18లక్నోలోని గోమతి నగర్ ఇందిరా గాంధీ ప్రతిష్ఠాన్‌లో శనివారం జరిగిన 5వ కౌశల్ దీక్షాంత్ సమారోహ్ (జాతీయ నైపుణ్య స్నాతకోత్సవం)లో ప్రధానమంత్రి నరేంద్ర మోదీ పాల్గొని వృత్తి విద్య ప్రాముఖ్యతను చాటిచెప్పారు. పారిశ్రామిక శిక్షణ సంస్థల్లో (ఐటీఐ) సాంకేతిక శిక్షణ పొందే విద్యార్థులకు యూనివర్సిటీ, కళాశాల విద్యార్థులతో సమానమైన గుర్తింపు దక్కాలని, వృత్తి విద్య పట్ల సమాజం దృక్పథం మారాలని ఆయన పిలుపునిచ్చారు. సంప్రదాయ డిగ్రీలకు మాత్రమే ఎక్కువ ప్రాధాన్యం ఇచ్చే ధోరణి వల్ల చాలామంది విద్యార్థులు, వారి తల్లిదండ్రులు ఐటీఐలో చదువుతున్న విషయాన్ని బంధుమిత్రులకు చెప్పేందుకు ఇప్పటికీ సంకోచిస్తున్నారని, దాచిపెడుతున్నారని మోదీ ఆవేదన వ్యక్తం చేశారు.యూనివర్సిటీకి కాకుండా చేతిపనులు, సాంకేతిక శిక్షణలో ఉన్నారన్న కారణంతో ఎవరూ ఇబ్బంది పడాల్సిన అవసరం లేదని స్పష్టం చేశారు. ఐఐటీ విద్యార్థులకు దక్కే గౌరవమే ఐటీఐ విద్యార్థులకూ లభించాలని, ఆ రెండు సంస్థలూ దేశానికి ఆస్తి, బలం, భవిష్యత్తు అని ప్రధాని ఉద్ఘాటించారు. ఉత్తరప్రదేశ్ సీఎం యోగి ఆదిత్యనాథ్ హాజరైన ఈ వేడుకలో 52 మంది జాతీయ స్థాయి టాపర్లను సత్కరించారు.పరిశ్రమలకు అసలైన బలం నైపుణ్యం గల కార్మికులేపెద్ద పెద్ద కంపెనీల బలం కేవలం డిగ్రీలు ఉన్న కొద్దిమంది ఉద్యోగులతోనే కాకుండా, నిత్యం పనులు నడిపించే వందలాది మంది ఐటీఐ శిక్షణ పొందిన కార్మికులపై ఆధారపడి ఉంటుందని ప్రధాని వివరించారు. ఒక సంస్థలో యూనివర్సిటీ పట్టా ఉన్నవారు కొద్దిమందే ఉండొచ్చని, కానీ దాని కార్యకలాపాలు సజావుగా సాగడానికి నైపుణ్యం గల శ్రామిక శక్తే వెన్నెముకగా నిలుస్తుందన్నారు. కృత్రిమ మేధ (ఏఐ) వల్ల ఉద్యోగాలు పోతాయని ఆందోళనలు వ్యక్తమవుతున్న ప్రస్తుత తరుణంలోనూ, చేతిలో నైపుణ్యం ఉన్నవారి ఉపాధిని ఎవరూ లాక్కోలేరని మోదీ భరోసా ఇచ్చారు.విద్యార్థుల ఆత్మవిశ్వాసంపై ప్రశంసలు.. వృత్తి విద్యకు కొత్త దారిఈ స్నాతకోత్సవాన్ని అద్భుతంగా నిర్వహించిన కేంద్ర నైపుణ్యాభివృద్ధి శాఖ మంత్రి జయంత్ చౌదరి, ఆయన బృందాన్ని ప్రధాని మోదీ ప్రత్యేకంగా అభినందించారు. సర్టిఫికెట్లు అందుకున్న విద్యార్థుల వేషధారణ, నడవడిక, ఆత్మవిశ్వాసం సంప్రదాయ యూనివర్సిటీ స్నాతకోత్సవాల్లోనూ ప్రత్యేకంగా నిలిచేలా ఉన్నాయని కొనియాడారు. 2027లో గ్రేటర్ నోయిడా వేదికగా భారత్ ప్రతిష్ఠాత్మక 'వరల్డ్ స్కిల్స్' పోటీలకు ఆతిథ్యం ఇవ్వనుందని ఈ సందర్భంగా ప్రధాని ప్రకటించారు.ఉన్నత విద్యకు వెళ్లలేని విద్యార్థులకు మాత్రమే ఐటీఐ కోర్సులు ప్రత్యామ్నాయం అనే భావన వీడాలని ప్రధాని సూచించారు. ఉపాధి, సాంకేతిక నైపుణ్యం, పరిశ్రమల్లో ఉజ్వల కెరీర్‌కు ఐటీఐ శిక్షణ అత్యంత కీలక మార్గమని ఆయన స్పష్టం చేశారు. భారత్ వేగంగా అభివృద్ధి చెందుతున్న వేళ, పరిశ్రమల అవసరాలకు తగినట్లుగా నైపుణ్యం కలిగిన యువతను తీర్చిదిద్దడంతో పాటు వారికి తగిన సామాజిక గుర్తింపు కల్పించాల్సిన అవసరం ఉందని మోదీ ప్రసంగం చాటిచెప్పింది.మరింత చదవండి

Source link