కస్టమర్ సర్వీస్ పాయింట్ అంటే చిన్న బ్యాంకింగ్ అవుట్‌లెట్. స్థానికంగా SBI తరఫున పనిచేసే అధీకృత ఏజెంట్ ద్వారా ఇక్కడ కొన్ని బ్యాంకింగ్ సేవలు అందిస్తారు. వీరిని సాధారణంగా బిజినెస్ కరస్పాండెంట్ (BC) అని పిలుస్తారు. పూర్తిస్థాయి SBI బ్రాంచ్‌లా కాకుండా, CSPల ఉద్దేశం ప్రాథమిక బ్యాంకింగ్ సేవలను కస్టమర్లకు మరింత దగ్గరగా అందించడం. ముఖ్యంగా రెగ్యులర్ బ్యాంక్ బ్రాంచ్ దూరంగా ఉన్న ప్రాంతాల్లో ఇవి ఉపయోగపడతాయి. SBI ప్రకారం, CSPల ద్వారా కస్టమర్లు పలు సేవలు పొందొచ్చు. ఖాతాకు సంబంధించిన సహాయం, నగదు డిపాజిట్, నగదు విత్‌డ్రా, బ్యాలెన్స్ చెక్, పాస్‌బుక్ సేవలు, ఏటీఎం లేదా డెబిట్ కార్డుకు సంబంధించిన సేవలు, ఫండ్ ట్రాన్స్‌ఫర్లు, బిల్ పేమెంట్లు ఇందులో ఉన్నాయి. (ప్రతీకాత్మక చిత్రం)
