ఉద్యోగులు ఆఫీస్‌కు వెళ్లడానికి నెలకు ఎంత ఖర్చు చేస్తున్నారో తెలుసా? ప్రభుత్వ సర్వేలో షాకింగ్ లెక్కలు! |

రాజస్థాన్, గుజరాత్, మధ్యప్రదేశ్ వంటి రాష్ట్రాల్లో పని కోసం వెళ్లేందుకు సగటు ప్రయాణ సమయం 20 నుంచి 23 నిమిషాలుగా ఉంది. దక్షిణ భారతదేశంలోని కొన్ని ప్రాంతాల్లో మాత్రం ప్రయాణ సమయం దీనికంటే ఎక్కువగా ఉంది. దేశవ్యాప్తంగా రోజూ పని కోసం 1 కిలోమీటర్ కంటే ఎక్కువ దూరం ప్రయాణించే పురుష ఉద్యోగుల శాతం 61.9గా ఉంది. మహిళా ఉద్యోగుల్లో ఇది 41.9 శాతంగా ఉంది. ఉద్యోగులు ఉపయోగించే ప్రధాన రవాణా మార్గాల్లో ద్విచక్ర వాహనాలు మొదటి స్థానంలో ఉన్నాయి. గ్రామీణ ప్రాంతాల్లో 37.1 శాతం మంది, పట్టణ ప్రాంతాల్లో 52.3 శాతం మంది ఉద్యోగులు ప్రధానంగా ద్విచక్ర వాహనాలపై పని ప్రదేశాలకు వెళ్తున్నారు. మోనోరైల్, మెట్రో, సబర్బన్ రైలు, ట్రామ్ వంటి రవాణా మార్గాలను దేశవ్యాప్తంగా పట్టణ ఉద్యోగుల్లో 5 శాతం మంది ఉపయోగిస్తున్నారు. అయితే మహారాష్ట్రలో వీటి వినియోగం 20.7 శాతంగా ఉంది. పశ్చిమ బెంగాల్‌లో 16.5 శాతం, ఢిల్లీలో 14.4 శాతం మంది వీటిని ఉపయోగిస్తున్నారు. (ప్రతీకాత్మక చిత్రం)