Last Updated:
యశ్ హీరోగా భారీ స్టార్ కాస్ట్తో రాబోతున్న భారీ బడ్జెట్ పాన్ ఇండియా మూవీ టాక్సిక్. ఇప్పటికే ఈ సినిమా టీజర్, సాంగ్స్ సోషల్ మీడియాను షేక్ చేయగా, ఇప్పుడు ట్రైలర్ విడుదలకు ముహూర్తం కుదిరింది.
కేజీఎఫ్ సిరీస్తో పాన్ ఇండియా రేంజ్లో బాక్సాఫీస్ షేక్ చేసిన రాకింగ్ స్టార్ యశ్, తన తదుపరి చిత్రంతో మరోసారి సెన్సేషన్ సృష్టించేందుకు సిద్ధమవుతున్నారు. ప్రస్తుతం సౌత్ ఇండస్ట్రీలో భారీ బడ్జెట్ పాన్ ఇండియా సినిమాల హవా నడుస్తోంది. పవన్ కళ్యాణ్ ‘ఓజీ’ (OG), మెగాస్టార్ చిరంజీవి ‘విశ్వంభర’ వంటి భారీ టాలీవుడ్ ప్రాజెక్టుల కోసం సినీ ప్రియులు ఎంత ఆసక్తిగా ఎదురుచూస్తున్నారో, యశ్ నటిస్తున్న తాజా చిత్రం ‘టాక్సిక్’ (Toxic) కోసం కూడా దేశవ్యాప్తంగా బాక్సాఫీస్ వర్గాల్లో అంతే ఉత్కంఠ నెలకొంది.
మలయాళ దర్శకురాలు, జాతీయ అవార్డు గ్రహీత గీతు మోహన్ దాస్ అత్యంత ప్రతిష్టాత్మకంగా ఈ యాక్షన్ ఎంటర్టైనర్ను తెరకెక్కిస్తున్నారు. ప్రస్తుతం ఈ సినిమాపై అంచనాలు పీక్స్ లో ఉన్నాయి. సెట్స్ నుంచి ఏ చిన్న అప్డేట్ వచ్చినా, సోషల్ మీడియాలో క్షణాల్లో వైరల్ అవుతోంది. ఇప్పటికే విడుదలైన గ్లింప్స్, టీజర్, ఓ పాటకు ప్రేక్షకుల నుంచి మిశ్రమ స్పందన లభించింది. యశ్ రగ్గడ్ లుక్, సినిమా విజువల్స్ పట్ల అభిమానులు హర్షం వ్యక్తం చేస్తుండగా, కొన్ని వర్గాల నుంచి మాత్రం ఆయా కంటెంట్పై తీవ్ర విమర్శలు కూడా వ్యక్తమవుతున్నాయి. ఈ నేపథ్యంలో, సినిమాపై ఉన్న నెగెటివిటీని చెరిపేస్తూ, అంచనాలను అమాంతం పెంచేందుకు చిత్ర బృందం ఫ్యాన్స్కు అదిరిపోయే అప్డేట్ ఇచ్చింది.
‘టాక్సిక్’ అఫీషియల్ థియేట్రికల్ ట్రైలర్ను ఈ నెల 8వ తేదీన (ఆగస్టు 8) గ్రాండ్గా రిలీజ్ చేయనున్నట్లు మేకర్స్ అధికారికంగా ప్రకటించారు. ఈ వార్తతో యశ్ అభిమానుల్లో ఉత్సాహం ఉరకలేస్తోంది. ఈ ట్రైలర్తో అసలు కథా నేపథ్యం ఏమిటి, యశ్ క్యారెక్టరైజేషన్ ఎలా ఉండబోతోంది, గీతు మోహన్ దాస్ సృష్టించిన గ్యాంగ్స్టర్ ప్రపంచం ఎలా ఉండబోతోందన్న దానిపై పూర్తి క్లారిటీ రానుంది.
ఈ చిత్రం కేవలం యశ్ క్రేజ్తోనే కాకుండా అందులోని భారీ స్టార్ కాస్ట్తోనూ టాక్ ఆఫ్ ది ఇండస్ట్రీగా మారింది. లేడీ సూపర్స్టార్ నయనతార, టాలీవుడ్, బాలీవుడ్ బ్యూటీలు కియారా అద్వానీ, తారా సుతారియా, హుమా ఖురేషి, మరియు కన్నడ సెన్సేషన్ రుక్మిణి వసంత్ వంటి అగ్ర తారలు ఇందులో కీలక పాత్రలు పోషిస్తున్నారు. ఇంత భారీ తారాగణం ఉండటంతో ట్రేడ్ వర్గాల్లో సైతం ఈ సినిమా ప్రీ-రిలీజ్ బిజినెస్పై భారీ అంచనాలు నెలకొన్నాయి. భారీ వ్యయంతో పాన్ ఇండియా స్థాయిలో తెరకెక్కుతున్న ఈ చిత్రం ఆగస్టు 26న ప్రపంచవ్యాప్తంగా థియేటర్లలోకి రానుంది. ట్రైలర్ రిలీజ్ తర్వాత సినిమాపై అంచనాలు మరింత పెరిగే అవకాశం ఉందని సినీ విశ్లేషకులు భావిస్తున్నారు. మరి యశ్ కెరీర్లో అత్యంత ప్రతిష్టాత్మకంగా రాబోతున్న ‘టాక్సిక్’ బాక్సాఫీస్ వద్ద ఎలాంటి ప్రభంజనం సృష్టిస్తుందో వేచి చూడాలి.
Click here to add News18 as your preferred news source on Google. సినిమా న్యూస్, మూవీ అప్డేట్స్, సినిమా రివ్యూస్, OTT అప్డేట్స్, టీవీ షోస్, రియాల్టీ షోస్, వెబ్స్టోరీస్ ఈ కేటగిరీలో చూడొచ్చు. న్యూస్ 18 తెలుగులో లేటెస్ట్ ఎంటర్టైన్మెంట్ అప్డేట్స్ చదవండి. మరిన్ని వార్తల కోసం న్యూస్ 18 తెలుగు ఫాలో అవండి.
Hyderabad,Hyderabad,Telangana
