ఈరోజు ఫోకస్ చేయాల్సిన స్టాక్స్లో టాటా ఎల్క్సి (Tata Elxsi) కూడా ఒకటి. కంపెనీ Q1 ఫలితాల్లో ఆదాయం అంచనాలకు మించి వచ్చినప్పటికీ, మార్జిన్లు గణనీయంగా తగ్గడంతో JPMorgan రూ.3,500 టార్గెట్ ప్రైస్తో ‘Neutral’ రేటింగ్ కొనసాగించింది. మీడియా, టెలికాం విభాగాలు వృద్ధికి ప్రధాన బలంగా నిలవగా, ఆటోమోటివ్, హెల్త్కేర్ విభాగాల్లో బలహీనత కనిపించింది. FY27లో హై సింగిల్ డిజిట్ (HSD) ఆదాయ వృద్ధిని కంపెనీ లక్ష్యంగా పెట్టుకున్నప్పటికీ, హెల్త్కేర్ రంగం పుంజుకోవడంపై ఇంకా అనిశ్చితి ఉందని బ్రోకరేజ్ పేర్కొంది. యూరప్ మార్కెట్లో ఆటో వ్యాపారంపై ఒత్తిడి కొనసాగుతుండగా, పెద్ద డీల్ ట్రాన్సిషన్ ఖర్చులు, కస్టమర్ సంబంధిత వ్యయాలు, ఒకసారి వచ్చే వార్షిక ఖర్చుల కారణంగా మార్జిన్లు పడిపోయాయి. వీటిలో కొన్ని ఖర్చులు వచ్చే 1-2 త్రైమాసికాల్లో తగ్గే అవకాశం ఉన్నప్పటికీ, FY27-29 కాలానికి లాభాల అంచనాలను JPMorgan తగ్గించింది. దీంతో ఈ స్టాక్పై ఇన్వెస్టర్ల దృష్టి ఉండే అవకాశం ఉంది.
