ఈరోజు ఫోకస్ చేయాల్సిన స్టాక్స్‌లో Dhoot Transmission, Bharti Hexacom కీలకంగా ఉన్నాయి. Dhoot Transmission షేరుపై Nomura బై రేటింగ్‌ను ప్రారంభించి, టార్గెట్ ప్రైస్‌ను రూ.1,800గా నిర్ణయించింది. ఎలక్ట్రిక్ వాహనాల (EV) వినియోగం పెరగడం, ప్రీమియం మోడళ్లకు డిమాండ్, స్థానికంగా విడిభాగాల తయారీ వంటి అంశాలు కంపెనీ వృద్ధికి దోహదపడతాయని అంచనా వేసింది. FY26లో 24 శాతంగా ఉన్న EV ఆదాయ వాటా FY29 నాటికి 48 శాతానికి చేరవచ్చని, ఆదాయం, EPS వరుసగా 27 శాతం, 28 శాతం CAGRతో పెరగవచ్చని పేర్కొంది. మరోవైపు, Bharti Hexacom షేరుపైనా Nomura బై రేటింగ్ ప్రారంభించి, రూ.1,870 టార్గెట్ ప్రైస్‌ను నిర్దేశించింది. టారిఫ్‌ల పెంపు కంపెనీ ఆదాయ వృద్ధికి ఊతమివ్వవచ్చని, రాజస్థాన్, ఈశాన్య రాష్ట్రాల్లో మార్కెట్ విస్తరణకు అవకాశాలు ఉన్నాయని తెలిపింది. మెరుగైన మూలధన వినియోగం, పెట్టుబడులపై అధిక రాబడి, వాటాదారులకు భవిష్యత్తులో మెరుగైన రాబడులు అందించే అవకాశాలు ఈ స్టాక్‌కు సానుకూల అంశాలని పేర్కొంది.
