మ్యాట్ బ్లాక్ ఫినిషింగ్‌లో లభించే INALSA కంప్లీట్ స్లైడింగ్ కేర్ అసలు ధర రూ.21,999. ప్రారంభ ఆఫర్‌లో భాగంగా రూ.11,999కే కొనుగోలు చేయవచ్చు. దీనిపై రెండేళ్ల పూర్తి ఉత్పత్తి వారంటీని సంస్థ అందిస్తోంది. ప్యాకేజీలో ప్రధాన యూనిట్, విడదీయగల వాటర్ ట్యాంక్, ఎత్తును సర్దుబాటు చేసుకునే డబుల్ పోల్స్, బేస్, రక్షణ కవర్‌తో కూడిన ఐరనింగ్ బోర్డ్, ఐరన్ హోల్డింగ్ బ్రాకెట్, ఐరన్ ప్రొటెక్టివ్ కవర్ ఉంటాయి. ఈ ఉత్పత్తి అమెజాన్, ఫ్లిప్‌కార్ట్‌తో పాటు దేశవ్యాప్తంగా ప్రముఖ రిటైల్ స్టోర్లలో అందుబాటులో ఉంది.
సాధారణంగా చాలా స్టాండింగ్ గార్మెంట్ స్టీమర్లు వాటర్ ట్యాంక్ నుంచి బాయిలర్‌కు నీటిని పంపించేందుకు గురుత్వాకర్షణపై ఆధారపడతాయి. దీనివల్ల ఆవిరి స్థిరంగా రాకపోవడం, నీటి చుక్కలు బయటకు రావడం, ఇస్త్రీ మధ్యలో ఆగిపోవడం వంటి సమస్యలు ఎదురవుతాయి. ఈ సమస్యలను తగ్గించేందుకు INALSA కంప్లీట్ స్లైడింగ్ కేర్‌లో ప్రత్యేకమైన పంపును ఏర్పాటు చేసింది. ఈ పంపు నీటిని నేరుగా 2500 వాట్ల బాయిలర్‌కు చేరవేస్తుంది. తద్వారా దుస్తులకు ఆవిరి పట్టే సమయంలో స్థిరమైన స్టీమ్ అందుతుంది. ఈ పరికరం ఆన్ చేసిన 40 సెకన్లలోనే ఉపయోగించడానికి సిద్ధమవుతుంది. ఇందులోని 1.2 లీటర్ల పారదర్శక వాటర్ ట్యాంక్‌ను సులభంగా తొలగించి నీటిని నింపుకోవచ్చు, శుభ్రం చేసుకోవచ్చు. యాంటీ-డ్రిప్ ప్రొటెక్షన్, ప్రెజర్ రిలీజ్ సేఫ్టీ వాల్వ్, ఆటోమేటిక్ షట్-ఆఫ్ వంటి భద్రతా ఫీచర్లు కూడా ఉన్నాయి.
ఈ ఉత్పత్తిలో ప్రధానంగా చెప్పుకోవాల్సిన అంశం దుస్తులకు లభించే ఫినిషింగ్. సాధారణ స్టీమర్ దుస్తులపై ముడతలను తగ్గించినప్పటికీ, షర్టుల కాలర్లు, ప్యాంట్ల మడతలకు అవసరమైన పదునైన రూపాన్ని ఇవ్వలేకపోవచ్చు. మరోవైపు, సాధారణ డ్రై ఐరన్‌తో సున్నితమైన, ఎంబ్రాయిడరీ ఉన్న దుస్తులను ఇస్త్రీ చేయడం కొంత కష్టంగా ఉంటుంది. ఈ రెండు అవసరాలను ఒకే పరికరంలో తీర్చేలా కంప్లీట్ స్లైడింగ్ కేర్‌ను రూపొందించారు. ఉదాహరణకు, పట్టు చీర లేదా బ్లేజర్‌ను నిలువుగా వేలాడదీసి స్టీమ్ చేయవచ్చు. ఆ తర్వాత ఐరనింగ్ బోర్డును సమతలంగా ఉంచి, పెద్ద ఐరనింగ్ ప్లేట్‌తో షర్టు కాలర్లు, కఫ్‌లు, ప్యాంట్ల మడతలకు చక్కటి ఫినిషింగ్ ఇవ్వవచ్చు.
ఈ ఉత్పత్తి విడుదల సందర్భంగా INALSA సీఈఓ జితేంద్ర చౌహాన్ మాట్లాడుతూ, భారతీయుల దుస్తుల వినియోగంలో మార్పులు చోటుచేసుకున్నాయని తెలిపారు. ఒకే ఇంట్లో ఆఫీస్ షర్టులు, లినెన్ కుర్తాలు, పట్టు చీరలు, మందపాటి డెనిమ్ దుస్తులు ఉంటున్నాయని పేర్కొన్నారు. వీటన్నింటినీ సమర్థంగా ఇస్త్రీ చేయడానికి ఒకే ఐరన్ లేదా స్టీమర్ సరిపోకపోవడంతో చాలామంది రెండు పరికరాలను కొనుగోలు చేయాల్సి వస్తోందని వివరించారు. ఈ సమస్యకు ఒకే ఉత్పత్తితో పరిష్కారం చూపాలనే ఉద్దేశంతో కంప్లీట్ స్లైడింగ్ కేర్‌ను రూపొందించినట్లు చెప్పారు. ప్రత్యేకమైన పంపు నిరంతరంగా ఆవిరిని అందిస్తుందని, హ్యాండిల్‌పై ఉన్న డిజిటల్ డిస్‌ప్లే ద్వారా దుస్తులకు అనుగుణంగా సరైన ఉష్ణోగ్రతను ఎంచుకోవచ్చని వివరించారు. భారతీయ కుటుంబాల అవసరాలను దృష్టిలో ఉంచుకుని రూపొందించిన తమ అత్యంత సమగ్రమైన దుస్తుల సంరక్షణ ఉత్పత్తుల్లో ఇది ఒకటని ఆయన పేర్కొన్నారు.
వినియోగదారులకు ఉష్ణోగ్రత, ఆవిరిపై పూర్తి నియంత్రణ కల్పించేలా ఈ పరికరాన్ని రూపొందించారు. హ్యాండిల్‌పై ఉన్న డిజిటల్ డిస్‌ప్లే ద్వారా 7 హీటింగ్ స్థాయిలను ఎంచుకోవచ్చు. సున్నితమైన పట్టు దుస్తులకు 80 డిగ్రీల సెల్సియస్ నుంచి మందపాటి లినెన్ వస్త్రాలకు 200 డిగ్రీల సెల్సియస్ వరకు ఉష్ణోగ్రతను సర్దుబాటు చేసుకునే సదుపాయం ఉంది. అలాగే తక్కువ, మధ్యస్థ, అధిక స్థాయుల్లో ఆవిరిని ఎంచుకోవచ్చు. దీనివల్ల ప్రతి రకమైన వస్త్రానికి అవసరమైన వేడి, తేమను అందించేందుకు వీలవుతుంది.
ఐరనింగ్ బోర్డును 45, 90, 180 డిగ్రీల కోణాల్లో సర్దుబాటు చేసుకోవచ్చు. దీంతో నిలువుగా లేదా వాలుగా దుస్తులకు ఆవిరి పట్టిన తర్వాత, బోర్డును సమతలంగా మార్చి ఇస్త్రీ చేయవచ్చు. టెలిస్కోపిక్ డబుల్ పోల్స్‌లో నాలుగు ఎత్తు స్థాయులు ఉండటంతో వేర్వేరు ఎత్తులున్న వినియోగదారులు తమకు అనుకూలంగా సర్దుబాటు చేసుకోవచ్చు. అదనంగా, 90 డిగ్రీలు తిరిగే హ్యాండిల్ దుస్తుల వివిధ భాగాలను ఇస్త్రీ చేసేటప్పుడు పట్టును సౌకర్యవంతంగా మార్చుకునేందుకు సహాయపడుతుంది.
