పిల్లలు పుడితే అమ్మమ్మల, నాన్నమ్మల హడావుడి అంతాఇంతా కాదు. స్నానం పోయడం, మసాజ్ చేయండి, ఆయిల్ పెట్టడం, చిన్న చిన్న ఎక్సర్సైజ్లు, పాలు అరిగాక తేన్పు తీసే వరకు చూడటం అన్ని ఇంట్లో ఉండే పెద్దవాళ్లు చూస్తుంటారు. అయితే కొన్నిసార్లు పుట్టిన బిడ్డ ఛాతీ భాగం కొద్దిగా ఉబ్బినట్లు కనిపించడం లేదా రొమ్ము నుంచి పాలలాంటి తెల్లటి ద్రవం రావడం చూసి చాలామంది తల్లిదండ్రులు భయపడిపోతారు. కొంతమంది అయితే మసాజ్ చేసేటప్పుడు చేతులతో నొక్కి ఆ ద్రవాన్ని బయటకు తీసేస్తుంటారు. కానీ అలా చేయొద్దని చెబుతున్నారు పీడియాట్రిషన్, అలాగే జనరల్ కన్సల్టెంట్గా సేవలందిస్తున్న డాక్టర్ యశ్వంత్.
