Nandamuri Balakrishna: బాలకృష్ణ మోకాలి సర్జరీ సక్సెస్.. 3 గంటలు శ్రమించిన వైద్యులు.. ఆ సినిమాల షూటింగ్‌లకు బ్రేక్! | తెలుగు సినిమా వార్తలు

సర్జరీ సమయంలో గాయం చుట్టూ పేరుకుపోయిన రక్తాన్ని పూర్తిగా తొలగించి, దెబ్బతిన్న స్నాయువులను మోకాలి చిప్పకు తిరిగి అతికించారు. అదనపు భద్రత కోసం చుట్టుపక్కల ఉన్న కణజాలాలను సైతం అత్యంత జాగ్రత్తగా సరిచేసి బలోపేతం చేశారు. సర్జరీ ఎలాంటి ఇబ్బందులు లేకుండా సాఫీగా జరిగిందని డాక్టర్ గౌతమ్ చౌదరి వెల్లడించారు. ప్రస్తుతం బాలకృష్ణ ఆరోగ్య పరిస్థితి నిలకడగా ఉందని, పోస్ట్-ఆపరేటివ్ పర్యవేక్షణలో ఉంచామని తెలిపారు. కొద్ది రోజుల విశ్రాంతి తర్వాత క్రమంగా రిహాబిలిటేషన్ ప్రారంభిస్తామని స్పష్టం చేశారు.

మరోవైపు, ఈ సినిమా పూర్తయిన తర్వాత కొరటాల శివ దర్శకత్వంలో బాలయ్య ఒక భారీ ప్రాజెక్టు చేయాల్సి ఉంది. తాజా గాయం, సర్జరీ విశ్రాంతి సమయం కారణంగా గోపీచంద్ మలినేని సినిమాతో పాటు భవిష్యత్తులో పట్టాలెక్కాల్సిన కొరటాల శివ ప్రాజెక్టు షూటింగ్ షెడ్యూల్స్ కూడా ఆలస్యమయ్యే అవకాశం ఉందని సినీ వర్గాలు చెబుతున్నాయి. ఆయన త్వరగా కోలుకోవాలని అభిమానులు కోరుకుంటున్నారు.