దసరా, దీపావళి ఫెస్టివల్ సేల్‌లో ఐఫోన్ కొనాలని చూస్తున్నారా? ఐఫోన్ 17 ప్రో, ఐఫోన్ 18 ప్రో మధ్య ధరతో పాటు కెమెరా, పనితీరు, బ్యాటరీ, ఏఐ ఫీచర్లలోనూ తేడాలు ఉన్నాయి. ముఖ్యంగా 1టీబీ మోడళ్ల మధ్య రూ.65,000 వ్యత్యాసం ఉంది. మరి అదనంగా డబ్బు పెట్టి 18 ప్రో తీసుకోవడం మంచిదా? లేక 17 ప్రోతోనే డబ్బు ఆదా చేసుకోవచ్చా? చూద్దాం. ఐఫోన్ 17 ప్రో 256జీబీ ధర రూ.1,34,900, 512జీబీ రూ.1,54,900, 1టీబీ రూ.1,74,900. ఐఫోన్ 18 ప్రో 256జీబీ రూ.1,64,900, 512జీబీ రూ.1,89,900, 1టీబీ రూ.2,39,900, 2టీబీ రూ.3,14,900 ధరతో ఉన్నాయి. అంటే 256జీబీ మోడళ్ల మధ్య రూ.30,000, 512జీబీ మధ్య రూ.35,000, 1టీబీ మధ్య రూ.65,000 తేడా ఉంది. 17 ప్రోలో లేని 2టీబీ స్టోరేజ్ ఆప్షన్‌ను 18 ప్రోలో యాపిల్ అందించింది. ఇవి సేల్ ధరలు, అదనపు ఆఫర్లు ఇందులో కలపలేదు. (image: Appe India)
