Last Updated:
వానాకాలం వచ్చేసింది జాగ్రత్త.. ఈ లక్షణాలు కనిపిస్తే మీ పిల్లల ప్రమాదం. డాక్టర్ నవ్య తేజ చెప్పిన ఈ చిట్కాలు మీ కోసమే!
వర్షాకాలం రాకతో ఎండల నుంచి ఉపశమనం లభించి వాతావరణం ఎంతో ఆహ్లాదకరంగా మారుతుంది. కానీ, ఇదే సమయంలో అనేక రకాల వ్యాధులు సైతం చుట్టుముడతాయి. ముఖ్యంగా వాతావరణ మార్పులను తట్టుకునే రోగనిరోధక శక్తి తక్కువగా ఉండే పిల్లలపై ఈ సీజన్ తీవ్ర ప్రభావం చూపుతుంది. దోమలు, కలుషిత నీరు, అనారోగ్యకరమైన ఆహారం చిన్నారుల ప్రాణాలను ప్రమాదంలోకి నెడుతున్నాయి. అందుకే ఈ వానాకాలంలో పిల్లల ఆరోగ్య పరిరక్షణపై తల్లిదండ్రులు మరింత అప్రమత్తంగా వ్యవహరించాలని వరంగల్ నగరంలోని చిరంజీవ చిల్డ్రన్స్ హాస్పిటల్ వైద్యురాలు డాక్టర్ నవ్య తేజ సూచిస్తున్నారు.
