అమెరికా నుంచి వెలువడే హౌసింగ్ మార్కెట్ గణాంకాలు, మన్నికైన వస్తువుల ఆర్డర్లు, వినియోగదారుల సెంటిమెంట్ వంటి డేటా కూడా కీలకం కానుంది. ఈ గణాంకాలు అమెరికా ఆర్థిక వ్యవస్థ బలాన్ని సూచించడంతో పాటు, భవిష్యత్తులో ఫెడరల్ రిజర్వ్ ద్రవ్య విధానంపై మార్కెట్ అంచనాలను ప్రభావితం చేయవచ్చు. ఫెడ్ వడ్డీ రేట్లపై తీసుకునే నిర్ణయాలకు సంబంధించి అంచనాలు మారితే డాలర్, బాండ్ ఈల్డ్‌లు, బంగారం ధరల్లో కదలికలు కనిపించే అవకాశం ఉంటుంది. దేశీయ మార్కెట్ విషయానికి వస్తే, మల్టీ కమోడిటీ ఎక్స్ఛేంజ్ (MCX)లో అక్టోబర్ డెలివరీ బంగారం ఫ్యూచర్స్ గత వారం రూ.1,597 లేదా 1.04 శాతం లాభపడి 10 గ్రాములకు రూ.1.54 లక్షల వద్ద వారాన్ని ముగించింది. వెండి ఫ్యూచర్స్ కూడా గణనీయమైన లాభాలను నమోదు చేశాయి. కిలోకు రూ.6,629 లేదా దాదాపు 3 శాతం పెరిగి రూ.2.41 లక్షల వద్ద ముగిశాయి.
