హోమ్ లోన్ లేదా మరో పెద్ద రుణం తీసుకోవాలని అనుకున్నప్పుడు క్రెడిట్ స్కోర్పై ఎక్కువగా దృష్టి పెట్టడం సహజమే. అయితే, క్రెడిట్ స్కోర్ను ఒక్కసారిగా పెంచే మ్యాజిక్ ట్రిక్ ఏదీ లేదు. మీరు రుణాలను ఎలా నిర్వహిస్తున్నారో కాలక్రమంలో మీ స్కోర్ చూపిస్తుంది. ఈఎంఐలు, బిల్లులు సమయానికి చెల్లిస్తున్నారా, మీకు ఉన్న క్రెడిట్ పరిమితిలో ఎంత మొత్తాన్ని వాడుతున్నారు, కొత్త క్రెడిట్ కోసం ఎంత తరచుగా దరఖాస్తు చేస్తున్నారు వంటి అంశాలు ఇందులో ఉంటాయని మనీకంట్రోల్ కథనం వివరించింది. ప్రస్తుతం సిబిల్ ప్రకారం చెల్లింపుల చరిత్ర, క్రెడిట్ వినియోగం, క్రెడిట్ చరిత్ర ఎంత కాలంగా ఉంది, కొత్త క్రెడిట్ కోసం చేసిన విచారణలు వంటి అంశాలు క్రెడిట్ స్కోర్పై ప్రధాన ప్రభావం చూపుతాయి. ఈ అలవాట్లతో మీ క్రెడిట్ స్కోర్ పెంచుకోవచ్చు. (ప్రతీకాత్మక చిత్రం)
