సీకేవైసీ 2.0 అందుబాటులోకి వస్తున్నంత మాత్రాన ఇకపై ఎలాంటి అదనపు వివరాలు లేదా డాక్యుమెంట్లు సమర్పించాల్సిన అవసరం ఉండదని భావించకూడదు. ఎందుకంటే కస్టమర్ గుర్తింపును వెరిఫై చేయడం ఒక అంశమైతే, ఒక్కో ఆర్థిక ఉత్పత్తికి సంబంధించిన ఇతర నిబంధనలు మరో అంశం. ఉదాహరణకు ఫారిన్ అకౌంట్ ట్యాక్స్ కంప్లయన్స్ యాక్ట్ (FATCA), కామన్ రిపోర్టింగ్ స్టాండర్డ్స్ (CRS) డిక్లరేషన్లు, నామినీ వివరాలు, పెట్టుబడిదారుల రిస్క్ ప్రొఫైలింగ్, బ్యాంక్ అకౌంట్ మాండేట్లు, పేమెంట్ సూచనలు, ఇన్సూరెన్స్ పాలసీలకు సంబంధించిన ప్రత్యేక డిక్లరేషన్లు వంటి అవసరాలు కొనసాగుతాయి. అలాగే ఇప్పటికే ఉన్న కేవైసీ రికార్డులో వివరాలు అసంపూర్తిగా ఉన్నా, పాత సమాచారమే ఉన్నా లేదా ప్రస్తుత నిబంధనలకు అనుగుణంగా లేకపోయినా సంబంధిత ఆర్థిక సంస్థ కొత్త డాక్యుమెంట్లు కోరవచ్చు. అవసరమైనప్పుడు అదనపు వెరిఫికేషన్ కూడా చేయవచ్చు. కాబట్టి సీకేవైసీ 2.0ను అన్ని కేవైసీ అవసరాలకు పూర్తిస్థాయి ప్రత్యామ్నాయంగా కాకుండా, కస్టమర్ గుర్తింపును ఒకే విధంగా వెరిఫై చేసుకునే వ్యవస్థగా చూడాలి. (ప్రతీకాత్మక చిత్రం)
