క్యాన్సర్ ముప్పు అనేది చాలామందిని ఆందోళనకు గురిచేస్తోంది. క్యాన్సర్ రాకుండా పూర్తిగా అడ్డుకునే అద్భుతమైన మార్గం ఏదీ లేకపోయినా, మన జీవనశైలిలో కొన్ని మార్పులు చేసుకోవడం వల్ల క్యాన్సర్ ముప్పును తగ్గించుకోవచ్చు. ముఖ్యంగా మనం తీసుకునే ఆహారం ఇందులో కీలక పాత్ర పోషిస్తుంది. కొన్ని ఆహారాలు శరీరంలో క్యాన్సర్ కణాల పెరుగుదలను అడ్డుకోవడంలో సహాయపడవచ్చు. AIIMS, హార్వర్డ్, స్టాన్‌ఫోర్డ్ విశ్వవిద్యాలయాల్లో శిక్షణ పొందిన గ్యాస్ట్రోఎంటరాలజిస్ట్, గట్ డాక్టర్‌గా పేరుగాంచిన డాక్టర్ సౌరభ్ సేథి క్యాన్సర్ ముప్పును తగ్గించడంలో సహాయపడే కొన్ని ఆహార పదార్థాల గురించి వివరించారు. ఇన్‌స్టాగ్రామ్‌లో ఆయన ఒక పోస్ట్‌ను షేర్ చేస్తూ.. ‘ముఖ్యంగా యువతలో క్యాన్సర్ కేసులు పెరుగుతున్నాయి. క్యాన్సర్ ముప్పు తక్కువగా ఉండేందుకు సహాయపడే ఐదు ఆహార పదార్థాలను రోజువారీ ఆహారంలో చేర్చుకోవాలని నేను సూచిస్తున్నాను’ అని పేర్కొన్నారు.
