Heart Attack Risk Foods: మద్యం మాత్రమే కాదు.. రోజూ తినే ఈ ఆహారాలు కూడా గుండెపోటు ప్రమాదాన్ని పెంచుతాయట! | లైఫ్ స్టైల్

గుండె ఆరోగ్యంగా ఉండాలంటే నూనె, నెయ్యి వాడకాన్ని మాత్రమే తగ్గిస్తే సరిపోదు. మనం ప్రతిరోజూ తీసుకునే ఆహారం, శారీరక శ్రమ, నిద్ర, ధూమపానం వంటి అనేక అలవాట్లు గుండె ఆరోగ్యంపై ప్రభావం చూపుతాయి. ముఖ్యంగా ఎక్కువకాలం పాటు అధికంగా ఉప్పు, చక్కెర, ప్రాసెస్ చేసిన ఆహారాలు, ట్రాన్స్ ఫ్యాట్స్ తీసుకోవడం వల్ల అధిక రక్తపోటు, అధిక కొలెస్ట్రాల్ వంటి సమస్యలు వచ్చే అవకాశం ఉంటుంది. ఇవి గుండె జబ్బులకు ముఖ్యమైన ప్రమాద కారకాలుగా మారవచ్చని ఫోర్టిస్ ఓఖ్లా కార్డియాలజీ డైరెక్టర్ డాక్టర్ విశాల్ రస్తోగి చెబుతున్నారు.