Last Updated:
PM Modi: NEET పరీక్ష పత్రాల లీకేజీ వ్యవహిరంపై కేంద్ర ప్రభుత్వం తీసుకోబోయే కఠిన చర్యల గురించి గురువారం రాత్రి తాను పోస్ట్ చేసిన సెల్ఫీ వీడియోకు ప్రజల నుండి విపరీతమైన స్పందన లభించడంతో, ప్రధానమంత్రి నరేంద్ర మోదీ శుక్రవారం మరో ఇన్స్టాగ్రామ్ రీల్ను విడుదల చేశారు.
24 గంటల వ్యవధిలోనే ఆయన పంచుకున్న రెండో ఇన్స్టాగ్రామ్ వీడియో ఇది. తన గురువారం నాటి సెల్ఫీ వీడియో సోషల్ మీడియాలో విపరీతంగా వైరల్ అయిన తర్వాత, ప్రజలు అందించిన మద్దతు, అభిప్రాయాలు మరియు సూచనలకు ప్రధాని మోదీ ఈ కొత్త వీడియో ద్వారా ధన్యవాదాలు తెలియజేశారు. “ధన్యవాదాలు మిత్రులారా! నిన్న రాత్రి మీతో కనెక్ట్ అయ్యే అవకాశం నాకు లభించింది. నేను పోస్ట్ చేసిన వీడియోకు మీరు స్పందించిన తీరుకు, మీరు ఇచ్చిన సానుకూల సూచనలకు ప్రత్యేక ధన్యవాదాలు. ప్రతి ఒక్కరికీ నా కృతజ్ఞతలు. మీ ప్రేమ, మద్దతు ఇలాగే కొనసాగుతాయని, మన అనుబంధం మరింత బలంగా, చురుగ్గా మారుతుందని ఆశిస్తున్నాను. ధన్యవాదాలు మిత్రులారా!”
NEET పేపర్ లీక్ ఉదంతంపై విద్యార్థుల్లో ఉన్న ఆందోళనలను ప్రస్తావిస్తూ ప్రధాని విడుదల చేసిన తొలి వీడియో విడుదలైన మరుసటి రోజే ఈ సందేశం రావడం గమనార్హం. పరీక్షల్లో అక్రమాలకు పాల్పడే వారిపై కేంద్ర కేబినెట్ ద్వారా కఠిన చర్యలు తీసుకుంటామని ప్రధాని అందులో హామీ ఇచ్చారు. లక్షలాది మంది విద్యార్థులు, వారి కుటుంబాలకు ఈ పేపర్ లీక్ తీవ్ర ఆందోళన కలిగించే అంశమని పేర్కొన్న ఆయన, కఠిన చట్టాలు తీసుకొస్తామని స్పష్టం చేశారు.
NEET పేపర్ లీకేజీపై ప్రధాని మోదీ పంచుకున్న తొలి ఇన్స్టాగ్రామ్ వీడియో ఏకంగా 300 మిలియన్ల (30 కోట్లు) వ్యూస్ దాటడం విశేషం. “More strict actions against paper leaks to come in tomorrow’s Cabinet!” (పేపర్ లీక్లపై రేపటి కేబినెట్లో మరింత కఠినమైన చర్యలు ఉండబోతున్నాయి!) అనే శీర్షికతో ఉన్న ఆ వీడియో వల్ల, ప్రధాని మోదీ ఇన్స్టాగ్రామ్ ఖాతాకు 24 గంటల్లోనే దాదాపు 10 లక్షల (1 మిలియన్) మంది కొత్త ఫాలోవర్లు పెరిగారు.
ఈ పరిణామాల మధ్యే శుక్రవారం జరిగిన కీలక కేంద్ర కేబినెట్ సమావేశంలో ప్రధాని మోదీ కేంద్ర మంత్రులకు కీలక ఆదేశాలు ఇచ్చారు. ప్రభుత్వం చేపడుతున్న సంక్షేమ, అభివృద్ధి కార్యక్రమాలను ప్రజా క్షేత్రంలోకి తీసుకెళ్లేందుకు సోషల్ మీడియా వేదికగా, ముఖ్యంగా ఇన్స్టాగ్రామ్ వంటి మాధ్యమాల ద్వారా ప్రజలతో కమ్యూనికేషన్ను పెంచుకోవాలని మంత్రులకు సూచించారు.
Click here to add News18 as your preferred news source on Google. బ్రేకింగ్ న్యూస్, రాజకీయాలు, దేశంలోని అన్ని రాష్ట్రాల్లోని ముఖ్యమైన వార్తలు, విశ్లేషణ, కేంద్ర ప్రభుత్వ పథకాలకు సంబంధించిన స్టోరీలను న్యూస్18 తెలుగు నేషనల్ కేటగిరీలో చదవండి. మరిన్ని వార్తల కోసం న్యూస్ 18 తెలుగు ఫాలో అవండి.
Hyderabad,Telangana
