క్యూ1 ఆదాయాల్లో ఆశించిన స్థాయి వృద్ధి లేకపోవడం, ఎఫ్వై27 (FY27) వృద్ధి మార్గదర్శకాలను కుదించడంతో పలు బ్రోకరేజ్ సంస్థలు ఇన్ఫోసిస్ రేటింగ్స్ను తగ్గించాయి.
HSBC: రేటింగ్ను ‘Hold’కు డౌన్గ్రేడ్ చేసింది. లక్ష్య ధరను ₹1,340 నుండి ₹1,110కి తగ్గించింది. కొత్త సీఈఓగా అంతర్గత నాయకుడు ఆశిష్ కుమార్ డాష్ (ఏప్రిల్ 1, 2027 నుంచి) బాధ్యతలు స్వీకరించనున్నారని, సమీప భవిష్యత్తులో త్రైమాసిక ఫలితాలు బలహీనంగా ఉండే అవకాశం ఉందని పేర్కొంది.
JPMorgan: రేటింగ్ను ‘Neutral’కు డౌన్గ్రేడ్ చేస్తూ, లక్ష్య ధరను ₹1,050గా నిర్ణయించింది. క్లయింట్ ఒప్పందాల రద్దు, ఆర్టిఫిషియల్ ఇంటెలిజెన్స్ (AI) ప్రభావం వల్ల ఆదాయ మార్గదర్శకాలను తగ్గించాల్సి వచ్చిందని వెల్లడించింది.
CLSA: ‘Outperform’ రేటింగ్ను కొనసాగిస్తూ, లక్ష్య ధరను ₹1,109గా పేర్కొంది. కంపెనీ 45 ఏళ్ల చరిత్రలో వ్యవస్థాపకులు కాని ఒక అంతర్గత వ్యక్తికి (ఆశిష్ కుమార్ డాష్) సీఈఓ బాధ్యతలు ఇవ్వడం సానుకూల పరిణామమని వ్యాఖ్యానించింది.
Nomura: ‘Buy’ రేటింగ్తో, లక్ష్య ధరను ₹1,290గా తెలిపింది. క్యూ1 రాబడి తగ్గినప్పటికీ ఎఫ్వై27 మార్జిన్ గైడెన్స్లో ఎలాంటి మార్పూ లేకపోవడం, ప్రస్తుతం షేరు ఆకర్షణీయమైన వ్యాల్యుయేషన్లో లభిస్తుండటం కలిసొచ్చే అంశాలని పేర్కొంది.
2. సోనా బీఎల్డబ్ల్యూ (Sona BLW): టార్గెట్ ప్రైస్ భారీగా పెంపు
Nomura: ‘Buy’ పిలుపునిస్తూ లక్ష్య ధరను ₹720 నుండి ₹848కి పెంచింది. డెన్సో (Denso) తో జాయింట్ వెంచర్ వల్ల గ్లోబల్ మార్కెట్లో భారీ అవకాశాలు లభిస్తాయని, రోబోటిక్స్ మరియు ఫిజికల్ ఏఐ రరంగాల్లోకి విస్తరిస్తూ 2035 నాటికి 10 రెట్ల వృద్ధి సాధించాలని కంపెనీ లక్ష్యంగా పెట్టుకుందని తెలిపింది.
3. సిప్లా (Cipla): మిశ్రమ ఫలితాలు.. ‘బై’ రేటింగ్స్
JPMorgan: ‘Overweight’ రేటింగ్తో లక్ష్య ధరను ₹1,600గా నిర్ణయించింది. సమీప భవిష్యత్తులో అమెరికా మార్కెట్ నుంచి లభించే కొత్త ప్రొడక్ట్ ఆమోదాలు కంపెనీకి కీలకంగా మారనున్నాయని పేర్కొంది.
Nomura: ‘Buy’ పిలుపునిస్తూ లక్ష్య ధరను ₹1,510గా తెలిపింది. క్యూ1 అంచనాలను అందుకోలేకపోయినప్పటికీ, ఎఫ్వై27 ఈబిట్డా (EBITDA) మార్జిన్ గైడెన్స్ను 18.5-20% వద్ద నిలబెట్టుకోవడాన్ని సానుకూలంగా భావించింది.
4. ఇతర కీలక స్టాక్స్ (HSBC నివేదికలు):
ఉజ్జీవన్ స్మాల్ ఫైనాన్స్ బ్యాంక్ (Ujjivan SFB): ‘Buy’ రేటింగ్తో లక్ష్య ధరను ₹83కి పెంచింది. క్యూ1 ఫలితాలు అంచనాల కంటే 5% మెరుగ్గా రావడంతో ఎఫ్వై27 ఆస్తులపై రాబడి (RoA) అంచనాలను 1.8-2.0%కి పెంచింది.
ఎస్ఆర్ఎఫ్ (SRF): ‘Buy’ రేటింగ్తో లక్ష్య ధరను ₹3,300గా పేర్కొంది. క్యూ1లో ఈబిట్ (EBIT) 62%, నికర లాభం (PAT) 76% చొప్పున భారీగా పెరిగాయి.
విశాల్ మెగా మార్ట్ (Vishal Mega Mart): ‘Buy’ రేటింగ్ను కొనసాగిస్తూ లక్ష్య ధరను ₹153కి సవరించింది. సేమ్-స్టోర్ సేల్స్ గ్రోత్ (SSSg) 10% నమోదు కావడంతో ఆదాయం అంచనాలకు అనుగుణంగా ఉందని తెలిపింది.
