భగభగ మండే వేసవి ఎండల నుండి వర్షాకాలం మనకు ఎంతో ఉపశమనాన్ని ఇచ్చినప్పటికీ.. అదే సమయంలో అనేక సమస్యలను కూడా వెంట తెస్తుంది. ఈ కాలంలో వాతావరణంలో తేమ శాతం విపరీతంగా పెరిగిపోవడం వల్ల తల చర్మం జిడ్డుగా మారుతుంది. దీనివల్ల చుండ్రు, తీవ్రమైన దురద, ఫంగల్ ఇన్ఫెక్షన్లు మాత్రమే కాకుండా జుట్టు విపరీతంగా రాలిపోయే ప్రమాదం ఏర్పడుతుంది. చాలామంది ఈ సమస్యల నుండి ఉపశమనం పొందడానికి మార్కెట్లో లభించే ఖరీదైన హెయిర్ కేర్ ఉత్పత్తులను వాడుతుంటారు, కానీ వాటి వల్ల శాశ్వత ఫలితాలు లభించవు. సరైన జుట్టు సంరక్షణ పద్ధతులు, సులభమైన ఇంటి చిట్కాలు మరియు సమతుల్య ఆహారం పాటించడం ద్వారా ఈ వర్షాకాలంలో కూడా జుట్టును ఒత్తుగా, బలంగా మరియు ఆరోగ్యంగా ఉంచుకోవచ్చని విశాఖపట్నంలోని కేర్ ఆస్పటల్ డెర్మటాలజిస్ట్ డాక్టర్ టి. రాజ్ కమల్ సూచిస్తున్నారు.
