అలాగే వంటగదిలో అన్ని పనులకూ ఒకే తువ్వాలు ఉపయోగించడం కూడా మంచి పద్ధతి కాదు. చేతులు తుడుచుకోవడానికి ఒకటి, గిన్నెలు తుడవడానికి మరొకటి, కిచెన్ కౌంటర్ శుభ్రం చేయడానికి ఇంకొకటి ప్రత్యేకంగా ఉంచుకోవాలి. ఎందుకంటే ఆహార పదార్థాల మరకలు, నూనె, నీరు, ఇతర మురికి ఒకే గుడ్డపై పేరుకుపోతాయి. దీంతో దుర్వాసన త్వరగా వస్తుంది. మరో ముఖ్యమైన విషయం ఏమిటంటే వంటగది గుడ్డలను ఉతికేటప్పుడు ఫ్యాబ్రిక్ సాఫ్ట్‌నర్ ఉపయోగించకపోవడం మంచిది. ఇది వస్త్రపు పీచులపై పొరలా ఏర్పడి నీటిని పీల్చుకునే సామర్థ్యాన్ని తగ్గించవచ్చు. అందువల్ల సాధారణ డిటర్జెంట్‌తో ఉతికి పూర్తిగా ఆరబెట్టడం మంచిది.
