Keerthy Suresh: మద్యం మత్తులో కీర్తి సురేష్‌కు వేధింపులు.. భర్త ఎదుటే మహానటితో దారుణంగా..! | తెలుగు సినిమా వార్తలు

తన భర్త ఆంటోని థట్టిల్‌తో కలిసి మిలాన్ నుంచి భారతదేశానికి విమానంలో వస్తున్న సమయంలో ఒక ప్రయాణికుడు తమను తీవ్ర అసౌకర్యానికి గురిచేశాడని కీర్తి వెల్లడించారు. “విమానంలో ఒక వ్యక్తి నా వద్దకు వచ్చి సెల్ఫీ కావాలని పట్టుబట్టాడు. అయితే అతను అప్పటికే మద్యం మత్తులో ఉన్నాడు, కనీసం నిలబడలేని స్థితిలో తూలుతున్నాడు. కాసేపు ఆగమని నేను సున్నితంగా చెప్పినప్పటికీ అతను వినలేదు, వెంటనే ఫొటో దిగాలని ఒత్తిడి చేశాడు. నేను ఎప్పుడు ఫొటో దిగాలనేది మీ ఇష్టం కాదని అతనికి చెప్పాను. అయినా అతని తీరు మారకపోవడంతో నా భర్త ఆంటోని కూడా అతడిని వారించే ప్రయత్నం చేశారు. పరిస్థితి అదుపుతప్పడంతో విమాన సిబ్బందికి ఫిర్యాదు చేయాల్సి వచ్చింది” అని కీర్తి సురేష్ ఆ ఘటనను వివరించారు.

అభిమానులు చూపే ప్రేమను తాను ఎప్పుడూ గౌరవిస్తానని, వారితో మాట్లాడటం, ఫొటోలు దిగడం తనకు ఎంతో సంతోషాన్నిస్తుందని కీర్తి స్పష్టం చేశారు. కానీ, అభిమానం ముసుగులో వ్యక్తిగత స్వేచ్ఛకు భంగం కలిగించడం, హద్దులు దాటి ప్రవర్తించడం ఏమాత్రం సమర్థనీయం కాదని ఆమె అభిప్రాయపడ్డారు. కొందరు అభిమానులు ఎంతో హుందాగా ప్రవర్తిస్తారని, కనీసం సెల్ఫీ కూడా అడగకుండా ఆప్యాయంగా పలకరించి వెళ్లిపోతారని, అలాంటి వారిని చూస్తే ముచ్చటేస్తుందని తెలిపారు. ఇక సినిమాల విషయానికొస్తే.. టాలీవుడ్, కోలీవుడ్ అనే తేడా లేకుండా కీర్తి సురేష్ చేతిలో భారీ ప్రాజెక్టులు ఉన్నాయి. అనిల్ రావిపూడి దర్శకత్వంలో వెంకటేష్ సరసన ‘జనవరి 12 విడుదల’ అనే చిత్రంలో నటిస్తున్నారు. అలాగే సెన్సేషనల్ స్టార్ విజయ్ దేవరకొండ కాంబినేషన్‌లో ‘రౌడీ జనార్ధన’ అనే పాన్ ఇండియా మూవీ చేస్తున్నారు.