మూడంచెల భద్రతా వలయం: అత్యంత లోపలి భద్రతా వలయాన్ని ఎస్పీజీ పర్యవేక్షిస్తుండగా, మధ్య వలయంలో ఢిల్లీ పోలీస్ ప్రైమ్ మినిస్టర్స్ సెక్యూరిటీ వింగ్ సిబ్బంది, కమాండోలు ఉంటారు. బయటి భద్రతా వలయాన్ని స్థానిక పోలీసులు నిర్వహిస్తున్నారు.
రూఫ్‌టాప్ నిఘా: ప్రధాని కాన్వాయ్ ప్రయాణించే మార్గంతో పాటు వేదిక పరిసరాల్లోని ఎత్తైన భవనాలపై పోలీసుల నిఘా ఉంచారు. ఎలాంటి ముప్పునైనా తిప్పికొట్టేందుకు వ్యూహాత్మక ప్రాంతాల భవనాల పైకప్పులపై ట్యాక్టికల్ బృందాలను మోహరించారు.
Delhi: Prime Minister Narendra Modi is scheduled to attend the Dussehra celebration organised by the Shri Ramlila Committee Indraprastha in IP Extension on Tuesday. Preparations for the event have begun https://t.co/N1NUv9SYWy
— IANS (@ians_india) October 18, 2026
ఆధునిక తనిఖీలు: ప్రవేశ ద్వారాల వద్ద డోర్-ఫ్రేమ్ మెటల్ డిటెక్టర్లు, హ్యాండ్-హెల్డ్ మెటల్ డిటెక్టర్లు, బ్యాగేజ్ స్కానర్లను ఏర్పాటు చేశారు. స్నిఫర్ డాగ్స్, క్విక్ రియాక్షన్ టీమ్స్ (QRT), అంబులెన్స్‌లు, మొబైల్ పెట్రోల్ వాహనాలను సిద్ధంగా ఉంచడంతో పాటు డ్రోన్ల ద్వారా గగనతల నిఘా నిర్వహిస్తున్నారు.
భారీ సంఖ్యలో వాహనాలు, పాదచారుల రద్దీ ఉండే అవకాశం ఉన్నందున ముఖ్యంగా తూర్పు ఢిల్లీ ప్రాంతంలో ట్రాఫిక్ మళ్లింపులు చేపట్టినట్లు ఢిల్లీ ట్రాఫిక్ పోలీస్ తెలిపింది.
సాయంత్రం 5 గంటల నుంచి రాత్రి 8 గంటల వరకు అవసరాన్ని బట్టి కీలక రహదారులపై ట్రాఫిక్ మళ్లించనున్నారు.
ఎన్‌హెచ్-24, వికాస్ మార్గ్, రోడ్ నంబర్ 57, రోడ్ నంబర్ 57A, రోడ్ నంబర్ 56 రహదారులపై ట్రాఫిక్ ప్రభావం పడే అవకాశం ఉంది.
ప్రయాణికులు ప్రత్యామ్నాయ మార్గాలను ఎంచుకోవాలని, నిర్ణీత పార్కింగ్ ప్రదేశాల్లోనే వాహనాలను నిలపాలని అధికారులు సూచించారు. రోడ్లపై అక్రమంగా పార్కింగ్ చేస్తే చర్యలు తీసుకుంటామని హెచ్చరించారు.
ఢిల్లీలోని రామ్‌లీలా మైదానాలు, దుర్గా పూజ వేదికల వద్ద కూడా భారీ బందోబస్తు ఏర్పాటు చేశారు. పశ్చిమ జిల్లాలో రామ్‌లీలా జరిగే 43 ప్రాంతాలు, దుర్గా పూజ నిర్వహించే 16 ప్రాంతాల్లో మహిళా పోలీసులతో సహా సీఏపీఎఫ్ బలగాలను మోహరించినట్లు డీసీపీ హరేశ్వర్ వి స్వామి తెలిపారు. ద్వారకతో సహా వెస్ట్రన్ రేంజ్ పరిధిలో వీఐపీ కదలికలు, రద్దీ నియంత్రణ కోసం అన్ని చర్యలు తీసుకున్నామని జాయింట్ పోలీస్ కమిషనర్ సుమన్ గోయల్ వెల్లడించారు. హనుమాన్ మందిర్, ఢిల్లీ గేట్ వంటి రద్దీ ప్రదేశాల్లో ట్రాఫిక్ సమస్యలు తలెత్తకుండా అదనపు సిబ్బందిని రంగంలోకి దించినట్లు అధికారులు స్పష్టం చేశారు.
