హైదరాబాద్ నుంచి మహారాష్ట్రలోని ప్రముఖ పర్యాటక ప్రాంతాలు, చారిత్రక కట్టడాలు, పుణ్యక్షేత్రాలను సందర్శించాలనుకునే వారికి ఐఆర్‌సీటీసీ ఓ మంచి అవకాశం తీసుకొచ్చింది. ఆరు రోజుల పాటు సాగే మహారాష్ట్ర మెగా హెరిటేజ్ టూర్ ప్యాకేజీని ప్రకటించింది. విమాన ప్రయాణంతో పాటు హోటల్ వసతి, భోజనం, స్థానికంగా తిరిగేందుకు రవాణా సదుపాయాలు కూడా ఈ ప్యాకేజీలో ఉన్నాయి. ఈ టూర్ అక్టోబర్ 30, 2026న హైదరాబాద్ నుంచి ప్రారంభం కానుంది. భారత రైల్వే మంత్రిత్వ శాఖ ఆధ్వర్యంలో పనిచేసే ప్రభుత్వ సంస్థ ఇండియన్ రైల్వే క్యాటరింగ్ అండ్ టూరిజం కార్పొరేషన్ (ఐఆర్‌సీటీసీ) ఈ ప్యాకేజీని అందిస్తోంది. దీని పేరు మహారాష్ట్ర మెగా హెరిటేజ్ టూర్ ప్యాకేజీ. ఆరు రోజుల్లో సంభాజీనగర్ (ఔరంగాబాద్), అజంతా, ఎల్లోరా గుహలు, ఘృష్ణేశ్వర్ ఆలయం, శని శింగణాపూర్, షిర్డీ సాయిబాబా ఆలయం, త్రయంబకేశ్వర్ జ్యోతిర్లింగం, సప్తశృంగి మాత ఆలయం, నాసిక్‌లోని పంచవటి వంటి చారిత్రక, ఆధ్యాత్మిక ప్రాంతాలను సందర్శించేలా దీన్ని రూపొందించారు. (ప్రతీకాత్మక చిత్రం)
