చాలామంది నర్సరీ నుంచి పూలు, పండ్లు లేదా కూరగాయల మొక్కలను కొనుగోలు చేసి ఇంటికి తీసుకొస్తుంటారు. అయితే ఇంటికి తెచ్చిన ఒకటి, రెండు రోజులకే కొన్ని మొక్కలు పసుపు రంగులోకి మారి, క్రమంగా వాడిపోయి ఎండిపోతుంటాయి. దీనికి మొక్కను సరైన ప్రదేశంలో పెట్టకపోవడం, ఇంటికి తీసుకొచ్చిన వెంటనే నేలలో నాటేయడం, అవసరానికి మించి నీరు పోయడం, మొక్క వేర్లకు ఉన్న ప్లాస్టిక్ కవర్‌ను తొలగించకపోవడం వంటి కారణాలు ఉండొచ్చు. మొక్కను నాటే విధానం, మొదటి కొన్ని రోజుల్లో తీసుకునే జాగ్రత్తలపై శ్రద్ధ పెడితే మొక్కలు వాడిపోకుండా ఆరోగ్యంగా పెంచుకోవచ్చని పూర్ణియాలోని గార్డెన్ గ్రామ్ నిపుణుడు ఆశుతోష్ కుమార్ సూచిస్తున్నారు.
