ఏ నూనెలపై ఎంత సుంకం తగ్గింది?
కేంద్రం ముడి పొద్దుతిరుగుడు నూనెపై ప్రాథమిక కస్టమ్స్ సుంకాన్ని (BCD) 10 శాతం నుంచి 0 శాతానికి తగ్గించింది. అలాగే శుద్ధి చేసిన సన్‌ఫ్లవర్ ఆయిల్‌పై BCDను 32.5 శాతం నుంచి 22.5 శాతానికి తగ్గించారు. ముడి సోయాబీన్ ఆయిల్, ముడి పామాయిల్‌పై సుంకాన్ని 10 శాతం నుంచి 5 శాతానికి తగ్గించారు. అదే సమయంలో శుద్ధి చేసిన సోయాబీన్ ఆయిల్, శుద్ధి చేసిన పామాయిల్‌పై BCDను 32.5 శాతం నుంచి 27.5 శాతానికి తగ్గించారు. ఈ మార్పులతో దిగుమతి ఖర్చు కొంత తగ్గే అవకాశం ఉన్నప్పటికీ, అంతర్జాతీయ నూనె ధరలు, రూపాయి-డాలర్ మారకం విలువ, రవాణా ఖర్చులు వంటి అంశాలు కూడా తుది రిటైల్ ధరను ప్రభావితం చేస్తాయి. అందువల్ల సుంకం తగ్గినంత మొత్తంలోనే మార్కెట్ ధర తగ్గుతుందని చెప్పలేం.
