అసలు పీఎం కిసాన్ పథకం అంటే ఏమిటి, దీని ముఖ్య ఉద్దేశం ఏమిటో ఒకసారి పరిశీలిద్దాం. రైతులు తమ పంటలకు అవసరమైన విత్తనాలు, ఎరువులు కొనుగోలు చేయడానికి పెట్టుబడి సాయం అందించాలన్న సదుద్దేశంతో 2019లో ఈ యోజన ప్రారంభించబడింది. ఈ పథకం కింద అర్హులైన ప్రతి రైతు కుటుంబానికి ఏటా రూ. 6,000 చొప్పున ఆర్థిక సహాయం అందుతుంది. ఈ మొత్తాన్ని ఒకేసారి కాకుండా, నాలుగు నెలలకు ఒకసారి రూ. 2,000 చొప్పున మూడు విడతలలో ప్రభుత్వం అందిస్తుంది. మధ్యవర్తుల ప్రమేయం లేకుండా, ‘డైరెక్ట్ బెనిఫిట్ ట్రాన్స్ఫర్’ (DBT) పద్ధతి ద్వారా ఈ డబ్బు నేరుగా రైతుల బ్యాంక్ ఖాతాలకే సురక్షితంగా బదిలీ అవుతుంది. ఇప్పటివరకు ఈ పథకం కింద విజయవంతంగా 23 విడతల నిధులను ప్రభుత్వం విడుదల చేసింది. అంతేకాకుండా, ఈ ఆర్థిక సహాయాన్ని నిరంతరాయంగా అందించేందుకు కేంద్ర ప్రభుత్వం ఈ పథకాన్ని ఏకంగా 2031 వరకు పొడిగించాలని ఒక కీలక నిర్ణయం తీసుకుంది.(ప్రతీకాత్మక చిత్రం)
