పోషక విలువలతో పాటు, వంటల్లో ఉపయోగించడానికి కూడా కుఫ్రీ జమునియా అనువుగా ఉంటుంది. దీని ఊదా రంగు, పిండి ఎక్కువగా ఉండే మెత్తటి స్వభావం, రుచికరమైన లక్షణాలు దీనికి ప్రత్యేకతను ఇస్తాయి. సంప్రదాయ వంటకాలతో పాటు, ప్రాసెస్డ్ ఫుడ్ తయారీలోనూ దీన్ని ఉపయోగించవచ్చు. ఈ బంగాళాదుంపతో తయారు చేయగల వంటకాలు ఎన్నో ఉన్నాయి. కూరలు, పరాఠాలు, పూరీలు, రైతా వంటి వంటకాల్లో ఉపయోగించవచ్చు. దలియా, హల్వా, ఉప్మా, దోసె, ఇడ్లీ పిండి తయారీలో వాడుకోవచ్చు. బంగాళాదుంప పిండిని తయారు చేసి బేకరీ పదార్థాలు, సూప్‌లు, కుకీస్ వంటి వాటిలో ఉపయోగించవచ్చు. అంతేకాకుండా, ఈ దుంపలతో నీటి శాతం తగ్గించిన ఆహార పదార్థాలను కూడా తయారు చేయవచ్చు. ఆంథోసయానిన్లు ఎక్కువగా ఉండే దలియా, సుజీ, పిండి వంటి ఉత్పత్తులను తయారు చేసి వివిధ ఆహార పదార్థాల్లో ముడి పదార్థాలుగా వాడుకోవచ్చు. (ప్రతీకాత్మక చిత్రం)
