Last Updated:
స్పిరిట్ రిలీజ్ డేట్ వాయిదా పడే అవకాశం ఉందంటూ సోషల్ మీడియాలో అనేక రూమర్స్ చక్కర్లు కొట్టాయి. ఈ వార్తలతో కాస్త కన్ఫ్యూజన్కు గురైన డార్లింగ్ ఫ్యాన్స్కు, సందీప్ రెడ్డి వంగా తన తాజా స్టేట్మెంట్తో అదిరిపోయే కిక్ ఇచ్చారు.
పాన్ ఇండియా స్టార్ ప్రభాస్, టాలీవుడ్లో సెన్సేషన్ క్రియేట్ చేసిన దర్శకుడు సందీప్ రెడ్డి వంగా కాంబినేషన్లో తెరకెక్కుతున్న మోస్ట్ అవైటెడ్ ప్రాజెక్ట్ ‘స్పిరిట్’ (Spirit). ‘అర్జున్ రెడ్డి’, ‘కబీర్ సింగ్’, ‘యానిమల్’ వంటి బ్లాక్ బస్టర్ చిత్రాలతో బాక్సాఫీస్ను షేక్ చేసిన సందీప్ రెడ్డి వంగా, ప్రభాస్తో సినిమాను అనౌన్స్ చేసిన రోజు నుంచే అభిమానుల్లో అంచనాలు ఆకాశాన్ని తాకాయి. అయితే, ఇటీవల ఈ సినిమా షూటింగ్ ఆలస్యం అవుతోందని, రిలీజ్ డేట్ వాయిదా పడే అవకాశం ఉందంటూ సోషల్ మీడియాలో అనేక రూమర్స్ చక్కర్లు కొట్టాయి. ఈ వార్తలతో కాస్త కన్ఫ్యూజన్కు గురైన డార్లింగ్ ఫ్యాన్స్కు, సందీప్ రెడ్డి వంగా తన తాజా స్టేట్మెంట్తో అదిరిపోయే కిక్ ఇచ్చారు.
తాజాగా జరిగిన ఒక ఈవెంట్లో పాల్గొన్న సందీప్ రెడ్డి వంగా ‘స్పిరిట్’ సినిమాకు సంబంధించి ఇంట్రెస్టింగ్ అప్డేట్ ఇచ్చారు. సినిమా షూటింగ్ డిలే అవుతోందన్న వార్తలను ఆయన పూర్తిగా ఖండించారు. తాము ముందుగా ప్లాన్ చేసుకున్న షెడ్యూల్ ప్రకారమే సినిమా శరవేగంగా ముస్తాబవుతోందని స్పష్టం చేశారు. అంతేకాదు, ఇప్పటికే ఈ సినిమా షూటింగ్ 40 శాతం పూర్తయిందని చెప్పి ప్రభాస్ ఫ్యాన్స్ను ఆనందంలో ముంచెత్తారు. మిగిలిన 60 శాతం బ్యాలెన్స్ షూటింగ్ను కూడా ఎక్కడా బ్రేక్ లేకుండా, పక్కా ప్రణాళికతో కంప్లీట్ చేసేందుకు మూవీ టీమ్ సిద్ధంగా ఉందని ఆయన వివరించారు.
షూటింగ్ డిలే లేకపోవడంతో, గతంలో మేకర్స్ అధికారికంగా ప్రకటించినట్లుగానే 2027 మార్చి 5వ తేదీన ‘స్పిరిట్’ ప్రపంచవ్యాప్తంగా అత్యంత భారీ స్థాయిలో విడుదల కాబోతోందని సందీప్ క్లారిటీ ఇచ్చారు. “స్పిరిట్ సినిమా మీ అందరికీ కచ్చితంగా నచ్చుతుంది” అని ఆయన అత్యంత కాన్ఫిడెంట్గా చెప్పడంతో అభిమానుల్లో పూనకాలు మొదలయ్యాయి.
పవర్ఫుల్ పోలీస్ ఆఫీసర్గా ప్రభాస్: తన రెండు దశాబ్దాల సినీ కెరీర్లో ఎన్నో వైవిధ్యమైన పాత్రలు పోషించిన ప్రభాస్, తొలిసారిగా ఈ సినిమాలో ఒక పవర్ఫుల్ పోలీస్ ఆఫీసర్ (సిన్సియర్ అండ్ రూత్లెస్ కాప్) పాత్రలో కనిపించబోతున్నారు. సందీప్ మార్క్ వయొలెన్స్, ఎమోషనల్ డ్రామాకు ప్రభాస్ భారీ కటౌట్, ఇంటెన్స్ యాక్టింగ్ తోడైతే సిల్వర్ స్క్రీన్ బద్దలవ్వడం ఖాయమని ట్రేడ్ వర్గాలు అంచనా వేస్తున్నాయి. ఈ చిత్రాన్ని సందీప్ తన కెరీర్లోనే బిగ్గెస్ట్ యాక్షన్ ఫిల్మ్గా మలచుతున్నారు.
ప్రభాస్ క్రేజ్ను దృష్టిలో ఉంచుకుని ఈ చిత్రాన్ని పాన్ ఇండియా స్థాయిలోనే కాకుండా, పాన్ వరల్డ్ స్థాయిలో పలు భాషల్లో విడుదల చేసేందుకు సన్నాహాలు చేస్తున్నారు. ఈ సినిమాలో ‘యానిమల్’ బ్యూటీ త్రిప్తి దిమ్రి (Triptii Dimri) హీరోయిన్గా నటిస్తుండగా, బాలీవుడ్ ప్రముఖ నటుడు వివేక్ ఒబెరాయ్ (Vivek Oberoi) ఒక పవర్ఫుల్ విలన్ పాత్రలో ప్రభాస్ను ఢీకొట్టనున్నారు. ‘సలార్’, ‘కల్కి 2898 ఏడీ’ వంటి భారీ విజయాలతో ఫుల్ ఫామ్లో ఉన్న ప్రభాస్, తన తదుపరి చిత్రాలు ‘ది రాజా సాబ్’, ‘ఫౌజీ’ షూటింగ్స్లో బిజీగా ఉంటూనే, ఈ ‘స్పిరిట్’ క్యారెక్టర్కు ప్రాణం పోస్తున్నారు.
Click here to add News18 as your preferred news source on Google. సినిమా న్యూస్, మూవీ అప్డేట్స్, సినిమా రివ్యూస్, OTT అప్డేట్స్, టీవీ షోస్, రియాల్టీ షోస్, వెబ్స్టోరీస్ ఈ కేటగిరీలో చూడొచ్చు. న్యూస్ 18 తెలుగులో లేటెస్ట్ ఎంటర్టైన్మెంట్ అప్డేట్స్ చదవండి. మరిన్ని వార్తల కోసం న్యూస్ 18 తెలుగు ఫాలో అవండి.
Hyderabad,Hyderabad,Telangana
Jul 22, 2026 12:55 PM IST
