చాలామంది SIPలో పెద్ద మొత్తంలో పెట్టుబడి పెట్టాల్సిందేనని భావిస్తుంటారు. కానీ వాస్తవానికి కేవలం నెలకు రూ.500తో కూడా SIP ప్రారంభించవచ్చు. చిన్న మొత్తంతో మొదలుపెట్టి, క్రమశిక్షణతో చాలా సంవత్సరాల పాటు పెట్టుబడి కొనసాగిస్తే, అది భవిష్యత్తులో పెద్ద కార్పస్గా మారే అవకాశం ఉంటుంది. అందుకే ఆర్థిక నిపుణులు “పెట్టుబడి మొత్తం కంటే, పెట్టుబడి వ్యవధి ముఖ్యం” అని చెబుతుంటారు. ఉదాహరణకు, ఒక వ్యక్తి ప్రతి నెలా కేవలం రూ.500 చొప్పున 30 సంవత్సరాల పాటు SIPలో పెట్టుబడి పెట్టాడని అనుకుందాం. ఈ కాలంలో అతని మొత్తం పెట్టుబడి కేవలం రూ.1,80,000 మాత్రమే అవుతుంది. ఒకవేళ సగటున సంవత్సరానికి 12 శాతం రాబడి లభిస్తే, కాంపౌండింగ్ ప్రభావంతో దాదాపు రూ.13,60,487 వరకు లాభం పొందే అవకాశం ఉంటుంది. అంటే మొత్తం కార్పస్ సుమారు రూ.15,40,487కు చేరుకోవచ్చు. ఇది చిన్న మొత్తాలను క్రమం తప్పకుండా పెట్టుబడి పెడితే కాలక్రమంలో ఎంత పెద్ద మార్పు వస్తుందో చూపించే ఉదాహరణ.
