సేల్ డీడ్ అంటే ఏమిటి?
ఒక వ్యక్తి తనకు చెందిన ఇల్లు, ప్లాట్ లేదా ఇతర స్థిరాస్తిని మరో వ్యక్తికి డబ్బు తీసుకుని విక్రయించినప్పుడు సాధారణంగా సేల్ డీడ్ ఉపయోగిస్తారు. ఉదాహరణకు రూ.30 లక్షలకు ప్లాట్ విక్రయిస్తే, విక్రేత, కొనుగోలుదారు వివరాలతో పాటు విక్రయ ధర, చెల్లింపు విధానం, ఆస్తి సరిహద్దులు, హక్కులు, ఇతర అంగీకరించిన షరతులను డీడ్‌లో నమోదు చేస్తారు. అందువల్ల డబ్బు తీసుకుని ప్రాపర్టీని విక్రయించే లావాదేవీలో సేల్ డీడ్ ప్రధాన పత్రంగా ఉంటుంది. రిజిస్ట్రేషన్‌కు ముందు ఆస్తి యాజమాన్య హక్కులు, గత పత్రాలు, ఎన్‌కంబరెన్స్ వంటి వివరాలను పరిశీలించడం కీలకం.
