నోయిడాలోని సెక్టార్-128లో ఉన్న మ్యాక్స్ సూపర్ స్పెషాలిటీ ఆస్పత్రి క్లినికల్ న్యూట్రిషన్ విభాగాధిపతి డాక్టర్ కరుణ చతుర్వేది మాట్లాడుతూ, వర్షాకాలంలో పాలకూర, క్యాబేజీ, మెంతికూర, బతువా వంటి ఆకుకూరల మధ్య చిన్న చిన్న పురుగులు, వాటి గుడ్లు, హానికరమైన బ్యాక్టీరియా దాక్కునే అవకాశం ఎక్కువగా ఉంటుందని తెలిపారు. సాధారణ నీటితో కడిగినా అవి పూర్తిగా తొలగిపోవు. వర్షపు నీరు, బురద, కలుషితమైన నీటి ప్రభావం కూడా ఈ ఆకులపై ఎక్కువగా ఉంటుంది. ఇలాంటి కూరలను సరిగా శుభ్రం చేయకుండా తింటే ఫుడ్ పాయిజనింగ్, విరేచనాలు, కడుపునొప్పి, అజీర్ణం, గ్యాస్, కడుపు ఉబ్బరం వంటి సమస్యలు వచ్చే ప్రమాదం పెరుగుతుంది.
