ల్యాప్‌టాప్‌ను ఛార్జింగ్ నుంచి తీసిన కొద్దిసేపటికే బ్యాటరీ శాతం గణనీయంగా తగ్గిపోతుందా? ఒకప్పుడు గంటల తరబడి పనిచేసిన ల్యాప్‌టాప్ ఇప్పుడు త్వరగానే బ్యాటరీ ఖాళీ చేస్తుందా? అయితే వెంటనే బ్యాటరీ మార్చాల్సిన అవసరం ఉండకపోవచ్చు. ల్యాప్‌టాప్‌లో బ్యాక్‌గ్రౌండ్‌లో నడిచే యాప్స్, ఎక్కువ స్క్రీన్ బ్రైట్‌నెస్, అధిక రిఫ్రెష్ రేట్, పవర్ మోడ్ వంటి సెట్టింగ్స్ కూడా బ్యాటరీ వినియోగాన్ని పెంచుతాయి. ప్రత్యేకంగా Windows 11 ల్యాప్‌టాప్‌లలో కొన్ని పవర్ సెట్టింగ్స్ మార్చడం ద్వారా అవసరం లేని విద్యుత్ వినియోగాన్ని తగ్గించుకోవచ్చు. Microsoft కూడా Power & battery విభాగంలో అందుబాటులో ఉన్న Energy recommendations, Energy saver, Power mode వంటి ఆప్షన్లను ఉపయోగించాలని సూచిస్తోంది.
