సాధారణంగా ఉపయోగించే సూత్రం: అవసరమైన కార్పస్ = ఏడాది ఖర్చులు ÷ సురక్షిత విత్డ్రాయల్ రేటు. ఏడాది ఖర్చు 12 లక్షలు, సురక్షిత విత్డ్రాయల్ రేటు 4 శాతం అయితే 12 లక్షలు ÷ 4% = 3 కోట్లు. ఇది మళ్లీ మొదట చెప్పిన 3 కోట్ల ఉదాహరణకే తీసుకువస్తుంది. అయితే ఇదే మొత్తం ఒకరికి సరిపోవచ్చు. మరొకరికి సరిపోకపోవచ్చు. కారణం వారి ఆర్థిక పరిస్థితులు వేర్వేరుగా ఉండటమే. అఖిల్ కంచర్ల ప్రకారం, రిటైర్మెంట్ ప్లానింగ్ను కేవలం ఆశాజనకమైన పెట్టుబడి రాబడుల ఆధారంగా చేయకూడదు. ద్రవ్యోల్బణం, పన్నులు, ఆరోగ్య ఖర్చులు, మార్కెట్ పతనాలు వంటి అంశాలను కూడా పరిగణనలోకి తీసుకోవాలి. “పెట్టుబడుల రాబడి మాత్రమే చూసి రిటైర్మెంట్ ప్లాన్ చేయకూడదు. ద్రవ్యోల్బణం, పన్నులు, ఆరోగ్య ఖర్చులు, అనుకోని మార్కెట్ పరిస్థితులను కూడా పరిగణనలోకి తీసుకోవాలి” అని ఆయన చెప్పారు. మంచి రిటైర్మెంట్ ప్రణాళికలో విభిన్న పెట్టుబడులు, అత్యవసర నిధి, సరైన ఆరోగ్య బీమా, విత్డ్రాయల్ రేట్లను ఎప్పటికప్పుడు సమీక్షించడం, భవిష్యత్తు రాబడులు, ద్రవ్యోల్బణంపై జాగ్రత్తగా అంచనాలు ఉండాలి. (ప్రతీకాత్మక చిత్రం)
