Diesel Exports: గ్లోబల్ మార్కెట్ ఎఫెక్ట్.. డీజిల్‌ ఎగుమతులపై ట్యాక్స్ పెంచిన కేంద్రం! | బిజినెస్

తాజా సవరణల ప్రకారం, డీజిల్ ఎగుమతులపై కేంద్రం ఏకంగా లీటరుకు రూ. 7 చొప్పున పన్నును పెంచింది. దీనితో ఇప్పటివరకు లీటర్‌పై రూ. 8.5 గా ఉన్న ఎగుమతి పన్ను ఒక్కసారిగా రూ. 15.5 కి చేరింది. డీజిల్, విమాన ఇంధన ఎగుమతులపై పన్నులు పెంచినప్పటికీ, పెట్రోల్ ఎగుమతిదారులకు మాత్రం కేంద్రం కొంత ఉపశమనం కలిగించింది. పెట్రోల్ ఎగుమతులపై ఉన్న ట్యాక్స్‌ను లీటరుకు రూ. 4 నుండి రూ. 2.5 కి తగ్గించింది. ఈ సవరించిన నూతన రేట్లు తక్షణమే (నేటి నుంచే) అమల్లోకి వస్తాయని ప్రభుత్వం స్పష్టం చేసింది.

మరోవైపు, కేంద్ర ప్రభుత్వం తీసుకున్న ఈ నిర్ణయం దేశీయ ఇంధన మార్కెట్‌పై ఎలాంటి ప్రభావం చూపుతుందనే దానిపై సర్వత్రా ఉత్కంఠ నెలకొంది. అంతర్జాతీయంగా క్రూడాయిల్ ధరల పెరుగుదల, దానికి తోడు ఎగుమతి సుంకాల సవరణల నేపథ్యంలో దేశీయ మార్కెట్లోనూ పెట్రోల్, డీజిల్ లీటర్ ధరలు పెరిగే అవకాశం ఉందనే ఆందోళనలు వ్యక్తమవుతున్నాయి. రానున్న రోజుల్లో చమురు సంస్థలు దేశీయ రిటైల్ ధరలను సవరిస్తాయా లేదా అనేది చూడాల్సి ఉంది.